[Willi]

حباب انا ماني حاقد على المسلمين
واهل العراق بعتبرهون عراقيين وبس بغض النظر شو ديانتهون

مين قال اني انا مع العمل العسكري الاميركي ضد العراق؟؟؟ انا قلت هيك؟؟
ومين قال اني ماني ضد اللي صار بابو غريب؟؟؟ انا قلت هيك؟؟؟
ومين قال اني انا مع قتل الجنود الاميركان للعراقيين؟؟؟ انا قلت هيك؟؟؟
مين قال اني مع عمليات التعذيب اللي عم يعملوها الاميركان بالعراق؟؟ انا قلت هيك؟؟؟
ايمت قلت هالحكي؟؟

نعم انا بستنكر هالشي
بس ما بستنكرو قدامكون
لانكون عم تقتلو عراقيين اكتر من ما عم يقتل الجنود الاميركان العراقيين
**للمعلومة بس, انا قدمت بحث 5 صفحات ضد العمل العسكري الاميركي على العراق هون باميركا وللاميركان (انت شو عملت؟؟)
انا مع المقاومة العراقية الشريفة وبس
مو مقاومة المجرم ابو مصعب الزرقاوي وهالناس الهمج هاي اللي عم تقتل العراقيين قبل الاميركان
عفوا حبيب انا بعرف اكتر من 7 عيل عراقيين هون باميركا وهني موافقين على العمل الاميركي
وبيكرهو الزرقاوي للعضم لانو عم يقتل باهل العراق
ومشان ما تقلي شيعة
في تنين منهون سنة

انا ماني عم دافع عن المحتل الاميركي, بس اذا الشعب العراقي بدو ياه
يسطفل منو الو
انت ما دخلك فيه

مافي داعي تحط تفسيرات من عقلك انا ماني حاقد على حدا ولا ضد المسلم لانو مسلم ولاني مع المسيحي لانو مسيحي
انا ضد كل مجرم سفاح بغض النظر مين هو او شو هو
الفرق بيني وبينك اني بفكر بالانسان كأنسان
انت بتفكر بالانسان كمسلم او لا مسلم
هاد الشي لازم تعرفو
ولا تحاول تشبه طريقة تفكيري بطريقة تفكيرك
لانها مختلفة تماما

وبالنسبة لكسار الروس
اذا عندك دليل واحد انو هو انا ساعتها حطو وسكتي
غير هيك بتسكت وما بتحكي ولا كلمة بشي ما بتعرف فيه