مرحبا اخوية كيفكن ؟؟؟ ...
انو هالموضوع الو براسي من فترة وحابة اني نزلو ونتناقش فيه ..اللي هوي القمار ...
وقت اللي بدو يجي شي شب ليخطب بنت ..فبيسالوا الاهل عن اخلاقو ..واول سؤال ؟؟؟ بيلعب قمار شي ؟؟؟
... طب ليش هالسؤال ؟؟
؟ ..وليش بيعتبر من الصفات الاكتر سوءا بين شبابنا ؟؟
عن جد ..ع طاولة القمار بتختفي كل الفروقات بين البشر .. الصغير متل الكبير والجاهل متل المثقف والامي متلو متل المتعلم ....كلن بلحظة بروح منن الحظ او بيفلت من ايدن ..فببيعوا كل شي وبيخسروا كلشي .
.. على امل انن بدن يرجّعوا اللي فقدوه او خسروه بورقة شاءت الصدف انو ما تجي بايدين ...
اديه خرب بيوت ... وقديه اغنياء فقروا ...واديه ذل ناس ... ودمر عيل .. فهل متعة المغامرة بتغلب متعة البيت والاحباب والاهل ؟؟؟ ..هل تساوي هذه المغامرة التضحية بالاهل ؟؟؟
اللي بيلعب بالقمار اذا ربح ما شبع وما قنع ... واذا خسر ما استسلم ولا انهزم .... بجرب ويجرب
وبين كل تجربة وتجربة .. بيخسر جزء من ارادته ..وهيك ما بيقد يسيطر على هالدوافع بجني المصاري السريعة خاصة وانو بيعرف وقت اللي بيملك المصاري بشوف الرفقة والاصحاب جنبو والكل بخدمتو ...بس هل فكر انو لو خسر مرة ..مين رح يبقى حدو ؟؟؟ ..ومين بدو يمدلو ايدو وقت اللي بدو يقع ؟؟؟؟
هللأ المجتمع بشكل عام بينبذو وما حدا بيامنلو ... لانن بيعرفوا انو ممكن يغامر باي شي منشان لعبة قمار ...
انو انا لتتيت كتير ..
. ..شو رايكن انتوا بالموضوع ؟؟ ..
شو نظرتكن .. للشب اللي بيلعب قمار .. لك لا ليش بس الشب ..دارجة موضة النسوان ..كمان
.... انو شو نظرتكن للقمار بشكل عام بغض النظر مين عم يلعب ....
وشكرا لالكن ..
.. بس ما يطلع مكرر ....
