اقتباس:
|
كاتب النص الأصلي : صياد الطيور
نطرت 5 ايام ليردوا جماعة المعارضة على هالمقال .... بس الظاهر من قوته و وروعته وبراهينه ... ما حدا منهم رد ...
مع التحية والشكر والتقدير لك يا غالي و لكل مواطن شريف يغار على مصلحة وطنه
س : مين الكاتب ؟ |
بصارحة أنا ما شفت المقال بس شفت تعليقك: ليش لأنو السيد dot84 من أول مرة دخلنا فيها بنقاش و نزل فيني مسبات و على الأهل و أسطوانة تخوين و إهانات و بصراحة ماني مهتم ادخل بمهاترات و لا تقييم للأشخاص ..
المهم مؤقتا أزلت التجاهل و قريت المقال
بس كم ملاحظة :
مقدمة لا بد منها: لست متحزب و لا أدعو لدخول الأميركان (فشر) و لكن أنا سوري و بحب سوريا و بكره حرامية سوريا و سارقي سوريا و مغتالي القانون في سوريا و مغتالي الحرية في سوريا و مشوهي الحقائق في سوريا و و يعني و مشاركتي مو بهدف دخول بسجال صرنا داخلين فيه ألف مرة بس اللي بدو يتهمني أي اتهام أو يتناولني شخصيا لا يعزب حاله لأنو مارح رد : رد الفكرة بفكرة
اقتباس:
ان القاء اللوم على عبقرية الرئيس لعدم كشفه خدام ومن شاكله او تحميله وزر الخطايا التي ارتكبت باْسم النظام و من النظام فيها ظلم للتاريخ وللأسد لماذا؟؟
لاْن المسيح عليه السلام روح الله وكلمته ورسوله و مع ذلك خانه يهوذا الاْسخريوطي بثلاثين من الفضة .
|
خيانة يهودا انكشفت بثلاث ساعات مو نامت العالم عليها 30 سنة..في حالة خدام يعني واحد من اثنين
1- لنفترض أن الرئيسين الأسد الأول و الثاني لم ينتبها لفساد خدام : معناتو النظام مخترق و رقم 2 فاسد و بنظام شمولي مركزي يعني خدام بأيدو قرارات بيتحمل مسؤولية بس مو لحالو ليش؟ لأنو إذا هو كان قدران يسيطر و هني ما في عملو شي يعني "تشاتيش" يعني مانون قد المنصب يعني فينا نلقي اللوم على العبقرية ... بالأحرى على غياب العبقرية (مثلا) و إذا كان خدام كثير مخادع و عرفان يلعبها مزبوط .. كمان ثلاثين سنة ما كشفته؟؟ أي أهلين عبقرية
2- الرئيسين يعرفان بخدام و فساده (و هاد الاحتمال الذي اتبناه) لكن هي جزأ من سياسة النظام المبنيى على الفساد و المحسوبيات و تقاسم الغنائم.. يعني عفوا مشاكل بيت الأسد باللادقية (فواز غياث هارون..) هي شلون تمرقت؟ اللي بدو تهمني بالتجني يقلعلي عيني و يقلي أنو فواز ملاك.. بعرف أنو باسل طلع مرة جابو و حطو بعدرا بس أهلين عدرا : ما هو عامل هلق مكتب محامات بمتاز بأنو القضايا مضمونة الربح ما دام فيك تغطي التكاليف .. يعني فساد منظم بعد ما كان أعمال عنف و غوغائية طيب هدول إيمتى بدو يكتشف الرئيس أنو كانو هو و الوالد الله يرحمه مخدوعين فيهن؟؟؟
بعني أي من الحالتين بتوصلنا لنتيجة في تقصير و في غياب لمبدأ التقييم و المحاسبة سواء على جودة الأداء أو على أمانة الأداء
اقتباس:
|
انا اساْل " تدميرقراطيوا" دمشق والحالمين بنصب تمثال لبوش في المرجة من اللبنانيين
|
أنو أنا شو دخلني بالله لبنان و عاهراته السياسيين من طراز جنبلاط و سنيورة و ممن كانو يعملون تحت قوادة مخابراتية سورية و انتقلو بسوق النخاسة السياسية إلى العمل في كرخانة إميركا و شركاه ؟
أصلا كل هي أفعال الشرم**ة السياسية اللي بالأصل الأحرار مو موافقين عليها و اللي ما راح ضحيتها إلى كل حر إرداة و عدو إمبريالية و صهيونية شريف بالبلدين
يعني مثل ما تقولوا الخلاف بين عائلات مافيا أما الشعب المعتر من اجترأ على المطالبة بتصحيح الأوضاع و من لم يجترأ فبفكره ما في تماثيل لأميركا و لا حتى لـ "زعماء الأمة" لأنو مثل ما تقول ملحدين سياسيا ما من آمن لا بآلهة سياسية و لا بأصنام لا محلية و لا مستوردة ..
أما عبدة الأصنام فهني بيحاربوا الأصنام المستوردة اللي بدها تحل محل الأصنام المحلية .. مع أنو بعتقد إذا جد الجد فعبدة الأصنام بيمشوا على طريقة مين ما أخد أمي بيكون عمي و لهم أسوة ببيت (يعني عيلة) أبو سفيان فمن حاميي حمى أصنام الكعبة إلى ناشري الدين الجديد الأشاوس
يعني و المفالة فيها مغالطات تاريخية من العيار الثقيل و لي لعنق الحقيقة و كثير من هذه المصطلحات الرنانة
الرد قوي اللهجة بس يعني يا شباب و بعضكم أصدقائي لما بدكون دافعوا عن أفكار من منطلق الوفاء لأشخاص أو أنظمة .. الأفضل أنو ما تستلوا سيف الاتهام و التخوين و تشكو بضهر أصدقائكم اللي مفروض صرتوا بتعرفوا تميزوهن و أنو بكل المنتدى ما في و لا واحد من جماعة الأميركان.. لذلك لما بيتوجه الحكي على أي إنسان صاحب فكر نقدي للنظام بالمنتدى يا ريت عدم التعميم