اقتباس:
مبروك جادو
يعني إنت طلعت الشخص الوحيد بالعالم اللي بيقول إنو ضربات الجزاء شطارة مو حظ
لك بس بدي برازيلي واحد "غير هاني" يكون عندو ذرة واقعية و منطقية
طيب سؤال يا جاد البرازيلي المثقف ؟
شفت ضربات الجزاء تبع إنكلترا و البرتغال؟
مين اللي ضيع ؟
جيرارد و لامبارد هدول من أعظم لاعبين إنكلترا بآخر خمس سنين
و هدول تحديداً يعتبروا رب الضربات الثابتة "حرة مباشرة و ركنية وجزاء و غيرو ..."
و روبرتو باجيو اللي عم تقول إنو غبي "يا فهمان" ... هوي اللي وصل إيطاليا عالنهائي بسنتا
بقى الله يرضى عليك إذا بدك تعمل ضربات الجزاء شطارة لأنها دايماً كانت توقف معكن ... فهاد ما رح يقنع نملة
|
شكرا لانك عم تأثبت كلامي انو 90% من المشجعين الطليان ما بيعرفو شو هية كرة القدم (وينك يا ري مي عم تقولي انو الشباب اللي بشجعو ايطاليا مشان لعبهون تعي شوفي فهمنتهون بكرة القدم)
انا بردي قلت يا اما الحارس ممتاز وعرف يصد الطابة يا اما شلف شفلة وجابها
متل ما قال هاندسم
اذا واحد معتبر 75% حظ فعن انو منطق عم يحكي هاد؟؟
الله يخليك لا تقول منطق وانت ما بتعرف شو هو
ضربات الجزاء من الممكن تكون حظ ومن الممكن (وهاي النسبة الاكبر هية شطارة من الحارس)
اذا متابع كرة قدم بتعرف هالشي
تابع شوية مباريات رح تلاقي انو افضل الحراس بالعالم عندهون اعلى النسب لصد ضربات جزاء عن باقي الحراس العاديين
بالنسبة لضربة جيرارد ولامبارد
هدول صابو الغول بس الحارس صدها
روبيرتو باجيو ما صاب الغول كلو
لو صايبو وحارس البرازيل مو صادد غير هالطابة كنت ممكن قلك انو اي الحظ حالف فريق البرازيل باللعبة
بس هو ما صابو ومشان هيك قلت انها جحشنة من نجم كبير متل روبيرتو باجيو
واذا بتقرا ردي متل العالم والناس رح تشوف اني ما نقصت من اهمية روبيرتو باجيو
لاني قلت عنو انو نجم كبير
وماني متلكون لحتى انكر نجومية لاعب عمل كتير لفريقو
الله يخليكون وقت بدكون تجيبو سيرة المنطق خلي يكون موجود عندكون ولو حتى ذرة منو