كيفكون يا شباب
مبارح كان يوم الجمعة
ومقررين انا رفقاتي الشباب والصبايا انو نعمل رحلة لانو الجو بهالوقت كتير حلو
واخر سي استقرينا انو نروح على عمار الحصن ومنطقو نبع الفوار
طلعنا من بيوتنا الساعة 5:30الصبح اجتمعنا بمنطقة نحنا حددنها بالمزة وانطلقنا
ونحنا بالباص صارو الشباب بدون يروحوا على البحر فالكل وافق انو نروح على البحر
وانتو بتعرفوا الروحة بالباص قيس رقص وغني زهيك شغلات فمبسوطين كنا كتير
وصلنا على طرطوس الساعة 9:30بس قررنا انو نقعد بحمص بس ساعة ونص مو اكتر مشان نقدر تروح على عمار الحصن حسب البرنامج الاساسي للرحلة
قعدنا بطرطوس بس الحقيقة انو الكل ما نبسطوا بطرطوس لانو الجو ما كان مناسبللروحة على طرطوس
قول بعد ساعة ونص طلعنا من طرطوس باتجاه حمص عمار الحصن والطريق الي عم نمشي في بياخد العقل كلو شجر
وخضار وجبال حلوة
اي بعد شي ساعة مو اكتر كنا فتنا بعمار الحصن ومشينا بهالطريق الي بيجنن وبياخد العقل وطلت علينا قلعة الحصن على راس الجبل يعني كان منظر روعة
وعلى فكرة وانت ماشي بتنسحر بشكل مو طبيعي يعني سحر فتان جنة على الارض والله يعني الجبال الي قدامك بتخليك تروح لبعيد وتفكر بشغلات حلوي كتير
وبعد شور وصلنا على نبع الفوار
وكان زحمة كتير والمقاصف معباية وما في مكان حتى نقعد في كان في غروب من جريدة الوسيلة هنيك ولحس الحظ انو هالغروب كان مخلص قعدة وبدو يروح ونحنا عالسريع طلعنا حجزنا المقصف الي اسمو( هوى الوديان )
على فكرة اسمو حلة ومناسب
طلعنا على المقصف وقدامك هالمناظر الي بتاخد العقل
ظبطنا قعدنا وبعدين بلش الرقص والدبكة والغني على ابو موزة
والساعة سبعة رن جرس العودة الي الشام وطلعنا ونحنا الكل متمانين انو ما نروحلانو انبسطنا كتير بهالرحلة
يعني والناس الي شفناهون من هالضيعة ما بينتسوا ناس رائعين
ومشنا ونحنا عم نقول لك نيال ربهون على هالعيشة
وبنصح كل الي ما راح على عمار الحصن يروووووح
وشكرا يا شباب لانكون تحملتونا
