[TheLight]

كاتب النص الأصلي : abu alameer

كاتب النص الأصلي : abu alameer

ببساطة لثلاثة اسباب:
الاول:
ان كاتب الموضوع مسيحي وليس مسلم، خاصة من المعروفين بالتزامهم.
الثاني:
لان الموضوع يمدح الديانة المسيحية التي نحترمها ونحب كثير من ابنائها خاصة العرب اللي بيفهمو "وعنا في فلسطين نماذج رائعة للحياة المشتركة".
الثالث:
ان الموضوع لا يتطرق الا السلام ولا يستخدم ايات او حكم او اقوال لعلماء مسلمين لان الاسلام او التطرق اليه او ذكر اي شيئ له علاقة بالاسلام يعتبر ارهاب وتطرف يجب البعد عنه ونقله من الصالون الى ابعد مكان في اخوية "بامكان عشاق الارهاب رؤية المواضيع المنقولة الى الدرجة الثانية في السقيفة وغيرها".

اسف للاطالة ولكنها الحقيقة المرة التي شعرنا بها منذ تولى tiger الاشراف في الصالون والادلة مثل هذا الموضوع كثيرة
والسلام
وهاي لاخوانا المسيحية باستثناء تايغر

يعني بصراحة انا ما فهمت من هالتلات تعدادات انو شو المطلوب؟؟؟
اولا هل المطلوب هو نقل الموضوع للسقيفة؟؟؟اما هو اعتراض ليش الموضوع وجودب بالصالون؟؟
وهل التعدادات عم تلمح لوجود نوع من التعاطف او التسامح مع المسيحيين والسماح لهم بما لا يسمح لغيرهم؟؟؟

تانيا انا لحد هلق مو فهمان انو لشو مقهورين من تايغر؟؟يعني الزلمة عم يشتغل وعم ينقل كل موضوع موجود بالصالون ومانو بمكانو الصحيح,عم ينقلو ع قسمو المخصص
بعدين انا لحد هلق مو فهمان انو ليش يعني العالم بتنقهر اذا اننقل موضوعها من الصالون؟؟انو شو هالانجار العظيم اذا كتب الواحد موضوع وانحط بالصالون وضل بالصالون؟؟

ثالثا الموضوع مانو ديني وما الو علاقة لا من قريب ولا من بعيد بحوار الاديان والموضوع هو عبارة دعوة الى السلام ونبذ الكراهية الموجودة بين بعض الاشخاص على اساس ديني

رابعا اذا بتحب حبيبنا هالموقع بلش كموقع مسيحي وفيك تقرا العبارة الموجودة تحت اسم الموقع فوق وهي العبارة من اقوال السيد المسيح بس بعدين الموقع تحول شوي شوي لموقع للجميع وهاد الشي انا بفضلو مع اني مسيحي بس بنفس الوقت ما بقبل انو هالموقع يتحول لمكان للتطبيل والتزمير لاي من الديانتين لانو هالموقع مفروض يعبر عن شريحة الشباب العربي بشكل عام والسوري بشكل خاص بكل تنوعاته الدينية والطائفية والمذهبية والسياسية وغيرها

وشكرا