[Lotus]

معكن حئ... الموضوع مؤلم.. الحئيئة إنه هالشي صار معي من فترة بس مختلف شوي...
تركت رفيئتي اللي كتير كانت بتعنيلي صداقتا... استمرت هالصحبة سنة بشكل حلو كتيير... كنا جنب بعضنا بالملمّات ومع بعضنا بالفرح... وتركتا... لإني حسيت إنا فجأة تتغيرت معي... إلت يمكن في شي فيي عم يدايئا.. سألتا آلت مافي شي... بس آلتلي: "تحمليني هيك، مابعرف إيمتى رح نرجع متل ما كنا"... سألتا بتعرفي إني مدايئة لإنك تغيريت معي؟ آم...آلتلي مبلا... وضحكت ضحكة خفيفة وكإنه هالشي عم يبسطا!!!!!! شي بيئتل !! ومع هيك حطيت ببالي كل الأعزار وتحملت هالشي خمس شهور ومؤخراً قررت إنه حاجتي!!! لأ والمشكلة إنها عم تنفي أي تغيُر فيها... طريقتا بالحكي ماعادت هية.. أليلة صارت أعداتنا ومشاركاتنا في أمور الحياة... باردة صارت مسجاتنا ومبين فيها إنها عم تنبعت رفع عتب.. بئى عشرين مرة حاكيتا.. إنه بس بدي إفهم شو اللي تغيّر! بس ما كنت حط إيدي على العلة!!! كل اللي آلتيلي ياه إنه صاحباتا التانيين صارو عم يئلولا وينك ما عم تبيني... وتزكرت هية إنه عندا رفئة بعد بسنة من ما بلشت صحبتنا.. إنه وإزا الواحد عنده رفئة.. بتغير!!؟ ما كل العالم عندا رفئة!!! يعني عندي رفئات غيرا بس ما فهمت مشان شو عملت هيك!!! حسيت ضيعت وأتي بصحبتا الكزابة... اللي كنت بفتكرا صحبة...ما كان في إدامي غير لملم أشتات صداقتنا اللي صرت حِسَّا وهمية الأصل والمنشأ وروح.... عم شوفا بشكل يومي بحكم إنه نحنا مع بعض بنفس المجال... حاولِت محاولات هزيلة إنا تتحركش فيي فبعتت كم مسج ناكتين.. ما رديت عليها لإنه حاجتي مزعوووووجة من هالقصة شهور وهية بتعرف إني مدايئة منا وما حركت ساكن... وعم تتصرف متل البنات الصغار باستفزازا إللي بعلاقاتا مع الآخرين بمحيطا!!! طيب غلطانة وكمان عم تحاولي تدايئيني ولو بشعرة!!!!! أنه أنا مرتاحة هلأ بقراري لإني تخلصت من علاقة عم تكدر عليي صفو حياتي.. بس وجودا بمحيطي اليومي شي عم يصعب الوضع عليي شوي... فالبتالي ولو كان في حدا غالي علينا.. بنتركه إزا كان عم يدايئنا وهاين عليه فينا... لك بنتركه ونص!!!!!!!! وشو ما كانت النتائج لإنه هيك أكيد أريح..... بئى هيك حبيت فـــــــضـــــــــفــــــ ــض لإنه الموضوع على الوجع! ميرسي لاستماعكن