اقتباس:
كاتب النص الأصلي : adam_best
امرأة من ورق مشكورة على هالموضوع الجدي اللي عم تطرحيه..
بس أنا حابب اسأل كم سؤال......
على فكرة ليكون علم عند الكل أنا واحد من العالم اللي باعت أكتر من رسالة خاصة بس هدا الشي مو معناه انو والله أنا فايت طبق متل ما اتفضلتي...
على فكرة أسئلتي كمان اللي بدها اسألها ويا ريت انتي اللي تجاوبي عليها ما لا تعتبريها تطبيقة وتصدقي حالك 
بس أنا أول سؤال بدي اسألك انتي قدي عمرك ؟؟؟
وتركتي كل مواضيع أخوية وما لقيتي غير هالموضوع اللي عن جد ....... ما بعرف شو بدي قلك .؟؟
على فكرة لا تفكري الرسائل البرايفت اللي أنا عم ابعتها وقلتلك عليها قبل شوي انو كلها لبنات (لا تزعلي في منهم لشباب كمان )
واللي أكتر سؤال بهمني بصراحة هوي : كل اللي رد عليكي كان شباب أو صبايا ( مع احترامي للكل)...انتي مفكرة انهم ردوا عليكي وجاملوكي متل ما قلتي انو الردود كلها مجاملة...انتي بتعتقدي كم واحد فيهم مانو باعت برايفت؟؟؟
خلصتي أسئلتي وياريت تجاوبيني وبكل صراحة ( لا تزعلي مني بس أنا اللي بقلبي بحكيه ولو على قص راسي ونحنا هلق عم نتناقش مجرد نقاش لأنو انتي اللي طرحتي الموضوع معناها انتي مستعدة للأجابة على كل أسئلة اللي بدهم يردوا على موضوعك ( مو متل الاجابة اللي كانت على أول رد لموضوعك العظيم ( تبع مؤبد ومعتقل وما بعرف شو ومن هالضحك هدا ).. |
شكرا على مرورك
اول شي انا ماقصدت ابدا انو كل الرسائل اللي عم تجي من حدا من الجنس الاخر تطبيق...... ومو كل الردود كمان تطبيق........ بس الظاهر انو اللي فيه شوكة بتنخزو
هلأ ردا على اسئلتك رح رد بنقطة وحدة انو في كتير ناس عم يردو عليي وبعرف انو عم يردو لانو يمكن عاجبتنون او مو عاجبتون مشاركاتي وبالتالي نوع من النقاش وبغض النظر عن اذا كانو شباب او بنات ....... بس في ناس بتفوت على موضوع ومابتجيب سيرة الموضوع المطروح وبس بتقول لحدا من الجنس الاخر ياااااااااااي ماخاب ظني فيك انت اهضم واحد بالاخوية او انت الذ واحد بالاخوية وبتطلع من الموضوع..... وطبعا مشاركاتها بكل المواضيع بتكون هيك يعني هيك ناس مانها جايي تناقش افكار لأ بس جايي تحاول تطبق حدا واحيانا بيتمادو لدرجة انو بيخربو المواضيع بهيك كلام
ومنشان الرسائل الخاصة كمان نفس الشي يعني في ناس بفوت معها بنقاش او تنين او يمكن بيشوفو مشاركاتي بشكل عام وبيحبو يتعرفو عالشخص اللي ورا امرأة من ورق (بغض النظر عن كوني انثى او شب) هلأ هدول بس يبعتو رسائل بحسها عادية....... بس شو رأيك انو اجاني رسائل من كتير ناس ماعندون ولا مشاركة وحدة بالاخوية ولحد الآن ماصار عندون ولامشاركة وطبعا متل ماقلت بيبعتو شعر وبعدو طلب لايميلي...... وايمتى ماشفتون بالاخوية بيكونو بس بالرسائل الخاصة وبس...... انا برأيي هدول بس سجلو بالاخوية كرمال يبعتو رسائل خاصة ويحاولو ياخدو ايميل كم بنت ويحاكوون
وانت مو طالما ماعجبك الموضوع وحسيتو سخيف ومابتعرف شو بدك تقلي ماكنت مضطر تضيع وقتك وتقرأو وترد عليه كمان...... بس كمان برجع بأكد اني طرحتو لحتى الناس اللي عم تخرب مواضيع وتطلعها عن سياقها وافكارها تحس شوي انو عم تأذي الاخرين بهالشي
انا من ناحيتي بالفعل بنزعج بس شوف تنين عم يحكو بشغلات ماالها علاقة بالموضوع لانو في رسائل خاصة فيون يحكو فيها بالامور التانية على راحتون او حتى فيون يفتحو موضوع خاص بالسقيفة ووقتها كمان يحكو متل مابدون بدون مايخربو الموضوع
بس الحل الصح لهيك حالة مو انو نفوت بالحكي معون ولا انو نتركون بحالون لحتى يخربو الموضوع...... الحل اللي انا عن حالي رح اعملو من يوم ورايح انو ابعت تقرير مشاركة عاطلة لحتى كل هي المشاركات الطالعة عن الموضوع تنلغى ونرجع فينا نناقش بالموضوع الاصلي مرة تانية
وبتمنى انو كل اللي عم يتدايقو من الخروج من الموضوع يعملو هيك
وشكرا على صراحتك ورأيك
