أشكرك وائل على طريقة طرحك للموضوع .....
أنا صرت شفت أكتر من موضوع عن هالقصة و ما ردت علق .....
لأنو أنا أعتقد إنو لكل شخص الحق بإنه يترك أو يضل و هاي حريته الشخصية ياللي لازم إحترمها .....
بس بصراحة طريقة طرحك وإصرارك هو ياللي طالعني عن صمتي .....
بإعتقادي في حل بسيط لكل هالمشكلة ......
شغلة وحدة بس إذا الكل يحاول ينفذها بتنحل كل الأمور .....
هالشغلة هي الجواب على هال الأسئلة البسيطة.....
- إنت لما بدك تنزل موضوع أو مشاركة لازم تعرف شو هو هدفك من الموضوع أو المشاركة ......
- هل رح يفيد حدا و يغنيلو فكرو و يزيد شي مميز لشخصيتو لشي حدا من الأعضاء و لا لأ.....
- تسأل حالك وتحس ( من جوا ) إنو يا هل ترى هذا الموضوع مناسب لأخويتي يعني بنفس مستوى الثقافة و الرقي الموجود بالأخوية ولا لأ .....
- هل الموضوع أو الرد أنا منزلو و أنا منزلو من أجل زيد مشاركاتي و صير مستشار و ما بعرف شو .... ولا هو موضوع بيعبر عني من شان إكسب إحترام الموجودين و فرحيهم إنو أنا فعلا عضو مميز .....
- هل أنا بدوّر على المواضيع التافهة و النالها طعمة ولا إنو حاول زيد معرفة أخوتي ياللي هون بمواضيع محترمة و رايد شارك العالم فيها .....
- هل أنا رايد دور على المشاكل وسب و ألعن الآخر ياللي بختلف معو وصير ما بفرق شي عن العايشين بالشوارع .....
ولا أنا فعلا شخص حضاري و محترم رايد أتعلم شلون أتقبل الآخر و لما ناقشه أتعلم أحترام مبادئه و معتقداته .....
- هل أنا جاي دور على العداوات و الخصامات..... ولا جاي كبر حجم علاقاتي و صداقاتي و خلي غريمي يحترمني قبل صديقي .....
و لما بنجاوب كلنا على هالأسئلة بصدق بنكون تعلمنا الرقابة الذاتية .....
فإذا حاولنا كلنا نعمل هالشي بظن إننا مو بحاجة لآنو نودع حدا أو نترجاه ليظل معنا أو حتى نطلب زيادة عدد المشرفين لآنو بهداك الوقت نحن مو بحاجة لهم .....
وقتها ....... و بس وقتها بنكون رجعنا وطننا المعنوي .....أخويتنا ياللي كلنا بنحبها....
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم .....
في البدء كان الكلمة .....
مملكتي ليست من هذا العالم .....
|