[The morning]

كاتب النص الأصلي : امرأة من ورق

وهي مية وردة لعيونك
وانا ماكنت قاصدة ازعل منك بس تدايقت من انو تنفهم فكرتي غلط وتنقلب قلب
هلأ اول شي منشان انو الوطن العربي ارض الديانات وبعمرو ماحدا اشتكى من عدم راحتو الها....... مابعرف مدى صحة هالحكي بالماضي..... مافيي قول صح ومافيي قول غلط لانو ماعندي معلومات عن الماضي بما يخص هالشي خصوصا انو بالماضي لسه اكتر من هلأ كان في خوف من الاعتراف بالالحاد وبالتالي مافينا نعرف..... بس هلأ وعالاكيد صار لازم نعطي لكل انسان حرية التعبير

وشغلة تانية انو العلمانية مانها مضاربة عالدين وسبق وحكيت رأيي بالعلمانية من الناحية الاجتماعية انو هيي احترام حق كل انسان بالدين يعني كل انسان بدو يكون متدين فيه يكون متدين ولاقصى الدرجات بس بدون تدخل بالاخرين اللي بدون يكونو غير متدينين

وهلأ بنجي للفكرة الاهم بكلامك انو اذا كانت العلمانية بلشت بالغرب لازم نرفضها بس لهاد السبب!!! فهي فكرة برأيي مرفوضة تماما مالازم اي بلد بالكون يعيش حالة انغلاق وبرأيي انو يشوف شو في افكار برا البلد ويختار الشي اللي بيناسبو مو متل انتي قلتي انو غيرنا يفصل ونحنا نلبس وبنفس الوقت اذا فينا نوصل شي حلو من حضارتنا الون بيكون تواصل حضاري كتير حلو........ وبالتالي ماهوي استيراد متل ماحبيتي تسميه

هلق لانسان من وقت خلق و هو عم يدور عن شي يعبدو شي النار و شي الشمس و شي البقره وبعدين الاصنام و السما... يعني قبل ما حدا يجي و يقلو انو في مين بينعبد و هو عم يدورع شي يعبدو... ما حدا قلو عباد اي من
الاشياء السابقه الذكر ولا حدا فرض عليه هالشي بس هو اختار ...
أنا ما قلت لازم نرفضها بس مو نتقمصها و ندافع عنها عالعمياني و نحنا لسا لهلق ما اتفقنا شو بتعني بالعربي
أنا بحترم رأيك....... و لو شو ما كان بما انو رأيك و انت عم تدافعي عنو مو اذا كان استيراد ...


و مشكوره الوردات كتير حلوين .. و هي الك