[بنت عز]

مو احنا دايم ننادي بالمساواة وبالوحدة وان العرب لازم يكونون يد وحدة ضد اعداءهم؟؟؟؟؟
( مع تعديل بسيط ان المسلمين اللي المفروض يكونون يد وحدة لان المسلمين مترابطين باسلامهم كالبنيان يشد بعضه بعضا)

لكن حالنا يناقض كل الشعارات اللي ننادي فيها وكل القيم اللي يفترض اننا نؤمن فيها!!!!

ونلاقي العرب يكرهون بعضهم كره اعمى ما يستثني الا اصحاب الجنسية الوحدة وكأن انتماءنا تحول الى الارض والتضاريس بدل الدين اللي هو اسمى وارقى وارفع من كل انتماء.

حتى اللي ينادون بالعروبة تلاقيهم يحتقرون عروبتهم وغير مقتنعين فيها ومطلعين فيها عيوب الدنيا فرجعوا من وراء حجاب يدورون على انتماء ثاني وهو الارض والتضاريس!!!!

يعني في الوقت اللي المفروض نتحد مع بعض ضد اعداء الدين من اسرائيليين عاثوا في الارض فسادا واهلكوا الحرث والنسل ومن دنماركيين هزئوا برسولنا الحبيب ( عليه افضل الصلاة واتم التسليم) ونستغل طاقاتنا ومجهودنا عشان نحاربهم بشتى الوسائل المتوفرة، تلاقينا نهدر هذي الوسائل باستعمالها لتغذية نعرة الجاهلية و نعقة العنصرية!!!

استخدمنا التكنولوجيا اللي المفترض انها تخدمنا في هدم العلاقات بين ابناء الدين الواحد تحت شعارات عنصرية!!!

استخدمنا الصحافة اللي المفروض تنفعنا في نشر غسيل غيرنا عشان نبين احنا الاحسن واحنا الابهى!!!

متى يصحى المسلمين ويفهمون ان اللي قسمهم الى اقاليم ودويلات واقف يتفرج عليهم ويضحك؟؟؟؟

و من بعد مافرقهم في الاقاليم وشتت وحدتهم العربية مستعد الحين يشتتهم في دينهم ويقسمهم احزاب وفرق؟؟؟ ماهو لان الفرق والطوائف ما كانت موجودة من زمان بس الحين كبرت المسافات بينها وتحولت خنادق استخدمها كل فريق عشان يدمر الثاني؟؟؟؟

واحنا شباب هذي الامة يا ليت وقفنا نتفرج بدون ما نذكي النار كان اهون!!!!

بس سوينا زي المنفاخ الفاسد اللي ما يكتشف انه قاعد يذكي النار الغلط الا اذا صارت تحت رجلية وبدأت تحرق فيه!!!!

ساعتها ما ينفعه الندم لانه اخذ من النفخ مهنته من اول الزمان وماتعلم كيف يطفي نار!!!

راح تاكله النار وتاكل اللي حواليه وياليت اذا نجا منها يتوب!!!! للاسف راح يدور نار جديدة لانه مايعرف الا ينفخ!!!

السؤال اللي بغيت اسأله متى بدأت تحس بنعرة الجاهلية؟؟؟

متى بدأت تحس انه انت وعيال بلدك احسن من كل الناس؟؟؟

وايش اللي خلاك تحس كذا؟؟؟

خلونا نبدأ بطرح المشكلة عشان نعالجها!!!

استنى ماشركاتكم