اقتباس:
كاتب النص الأصلي : tiger
لكن المشكلة انهم كانوا عايشين بزمن غير زمننا ......
يعني الانسان كل تجاربه بتتكون على اساس الواقع ياللي عايش فيه .......
و عليه اهالينا ( برأيي ) وضعوا كل خبرتهم بالحياة في تربيتنا ....
لكن المشكلة بالزمن ياللي تغير بسرعة ( المجتمع ) مو بتربايتهم ( طبعا انا لا أنفي وجود عالم تربت غلط بس اكيد كلامي مو عنهم ) ....
|
هلأ اهلنا ربيو بمجتمع غير مجتمعنا لانو المجتمع تغير بسرعة هاد كلام صحيح مية بالمية..... بس مافيك تقول انو اهلنا كانو عايشين بزمن غير زمنا بالعكس يفترض يكونو واعيين لمجتمعنا اكتر مننا نحنا اللي ولدنا وربينا فيه لانهم عاصرو التغيير..... يعني عاشو القديم وعاشو فترات التغير وعاشو المجتمع اللي نحنا عايشين فيه كمان... وبرأيي يفترض يكون الاهل نفسهم قادرين يطلعو من قوقعة التربية اللي تربوها لحتى فيهم يعاصرو المجتمع اللي نحنا فيه ويربونا على اساسه...... وبظن الموضوع هون كتير مهم لهي النقطة يعني نفهم الفرق بينا وبين اهلنا والاغلاط اللي ارتكبوها بتربيتنا لحتى فينا نربي ولادنا تربية تناسب مجتمعهم اللي بشكل طبيعي رح يكون تغير عن المجتمع اللي عايشينو نحنا حاليا
واضافة صغيرة انو لما اهلك واهلي ربونا على القيم الصحيحة متل انو ماتقابل الاساءة بمثلها كان شي صح منهم بس كمان يفترض يعطونا شوية وعي انو هالشي مع انو كتير صحيح واخلاقي بس بالتعامل مع
بعض الناس مابيمشي هيك مو لانو الغلط بالفكرة الاخلاقية بحد ذاتها بس لانو بعض الناس مابتستاهل..... بكلمة تانية
يزرعو فينا الاشياء اللي بيشوفها اخلاقية وبنفس الوقت يعطونا شوية ديناميكية وواقعية تناسب المجمتع..... وطبعا شغلة عدم مقابلة الاساءة بمثلها كان بس مثل بينطبق على كل او اغلب الاشياء اللي ربونا عليها
