اقتباس:
كاتب النص الأصلي : امرأة من ورق
الموضوع هيك وكمان انو كيف نحنا نقدر نعبر عن اختلافنا عن اهلنا ونحافظ كمان على احترامنا الون
يعني اكيد ضمن جيلنا مستحيل نكون فوتوكوبي عن اهلنا واكيد عنا اختلاف عنون ومن حقنا انو نعبر عنو مع العلم انو كتير ناس بيعتبرو انو مجرد اختلفنا عن اهلنا بنكون قللنا من احترامنا الون واحترامنا لتربيتون النا..... انا برأيي انو هاد كتير غلط لانو انا ماني البابا وماني الماما مع انو اكيد بحمل كتير من صفاتون بس كمان انا شخص مستقل عنون ومختلف كتير والي الحق اني اظهر هالاختلاف
 |
تمام .... بزمانو أبوي قلي
... ( ميمو ما تحاولي تكوني جورج ... لأنو مستحيل تطلعي متلي انا لصرت هيك مريت بخبرات والتقيت بأشخاص كتير ... ما بتطلعي جورج بتطلعي نسخة مشوهة وبتفقدي تميز ميمو .. )
منرجع أي ...
التميز والاختلاف مانو غلط ... ليش كل اختلاف بيرعبنا ... نحنا مختلفين ما منشبه حدا كل واحد تجربة فريدة ومميزة ساهمت فيها عوامل كتير بيئة ومجتمع وسعي شخصي وعامل كتير مهم أسمو أهل
هالتجربة اللمميزة ( نحنا الأبناء يعني ) فينا نقاط قوة ونقاط ضعف ...
حلو نعرف من وين هالنقاط ... لهيك قعدة مع حالنا ما بتضر بشي ....