[krimbow]

اول شي ... انا ما احتقرت الزواج، يللي قلتو انو مش هوي الوسيلة الوحيدة للعلاقات الجنسية، و ازا بتطلعي من اليوتوبيا يللي عم تحكي عنها، بتشوفي انو هالشي حقيقي، لا الله، و لا انبياؤو و لا غيرهم قدروا يخلوا الزواج الاطار الوحيد للعلاقة الجنسية
و دليلي على كلامي هوي جيوش المطلقين و المطلقات، و جيوش الممارسين للجنس خارج اطر الزوجية، و جيوش يللي عم يخونوا زوجاتهم و ازواجهم، هاد غير "طقطقة البراغي" الشغالة على ابو موزة

تانيا: انا ما قلت انو الزواج هوي يللي بسبب امراض نفسية، بل قلت انو تعنت الشرقيين لممارسة الجنس عبر مؤسسة الزوجية هوي يللي بيسبب هالامراض
يعني ... ازا بدي ضل عم مارس "العادة السرية" (الله لا يفضح حدا) لوقت ما اتجوز... و لوقت ما اتجوز لازم كون مأمن بيت و سيارة و مدخول "محترم"... برأيك رح تكون نفسيتي صحيحة؟؟؟
الواحد فينا بيخطط لجوازتو كأنو عم يخطط ليحرر فلسطين، لما يكون الهدف (او احد الاهداف الرئيسية) هوي ممارسة الجنس من خلال هالتخطيط... بيكون شغلنا مريض

تالتا: اتهمتيني بالتناقض و انتي افتتحتي حديثك باحد الردود بتسفيه العرب، بعدين زعلتي لما اعتبرتيني اني عم سفه عربيتك

كلامي سوقي بيجوز... بس يللي بيهمني انو ينفهم كلامي
ما كان ناقص غير البس كفوف و اكمش شوكة و سكينة لما بدي اكتب، و ألدغ بحرف الراء.. و لشو؟ لحتى تقولوا عني "جنتلمان"؟؟

يا عيني يا كاميكاز، ازا انتي عايشة باليوتوبيا، و عم تعيشي الحلم الوردي، فهالشي من حسن حظك..
بس نحنا (البشر) احلامنا الوردية باخ لونها، و اليوتوبيا بعيدة كتير عن شواربنا

المشكلة يللي منعاني منها بمجتمعنا مش العذرية.. المشكلة الاكبر هيي الخليجية يللي بييجي كم يوم ع البلد .. بيطقها جوازة و بيمشي، و بعد سنة بيكون مطلق
ممكن تفهميني وين مطرح الحب من الاعراب بهالجملة؟

اذا ع العذرية، فعمليات التقطيب ما عاد في اكتر منها

و ما عم طالب حدا انو يتخلى عن عذريتو، يللي بيقدر يضل متمسك فيها هوي حر
بس كلامي موجه للاكترية الساحقة يللي ما عم تقدر تكذب على جسدها و رغباتها... بقلهم انو هالشي .. عادي كتير، و ممارسة الجنس مع شخص بتوثقوا فيه و بتحبوه هوي واحدة من اجمل و ارقى المتع

مايا... في قول مأثور بيقول"بإمكان أي امرأة أن تغدو قديسة أو عاهرة في أية لحظة فقد خلقت بالنصفين معاً.ولكنها كلما انحازت إلى احد نصفيها،تمادت في السخرية والتشهير بالنصف الآخر"

بعمرك سمعتي عن حدا عم يقول عن زيتو "عكر"؟؟؟