[Spector]

بتصرف من القائم على الموقع -- Hus -- قسم المنسقين

كاتب النص الأصلي : Hus

هلا شباب، السقيفة مش ساحة الحوار مع المشرفين .. (والعضو الي بيحط موضوع بالسقيفة و بيفرض مع نفسو انو هلق المشرفين رح يشوفو الموضوع وينكبو على مناقشته غلطان كتير، وهيك مواضيع بتمننى تتسكر مباشرة ، من ناحية + ما يتم تعاطي المشرفين معها من ناحية تانية ، العضو والمشاريكن بالموضوع بقرارة نفسون معتقدين انو المشرفين يابا ما عم بيجاوبو لانو ما عندهم شي يحكوه ، او لأنو اي ظهر الحق و زهق الباطل .. بالوقت الي ما بعتقد في نسبة بتتجاوز 10% من المشرفين ممكن شافو هال الموضوع ، من اساسو .. )

لهيك هيك امور النقاش فيها مضيعة للوقت (رح بتلاقي 10 ردود اتهامات للمشرف Hus و كل رد بعدو بيأكد القبلو و ال Hus نفسو ما شايف الموضوع من اساسو ، ولا عرفان انو في هيك موضوع ، بالتالي بيولد انطباع هذا عند البشر الي قرو الموضوع انو يابا الحكي الي بال 10 ردود تبع الإتهامات هوي حكي صحصح !! .. وانو فعلا هذا Hus كيت وكيت وكيت ، فقط لأنو هوي ما شاف الموضوع ولا عرفان فيه !!!!! وهلم جر على كل مشرف او منسق او امين ..)

بالنسبة للتصويت ، شي ظريف ..
اخوية لا أخدت ولا رح تآخد بأي وقت (بأي وقت) بالتصويت في القضايا الإستراتيجية بيها ، ولا رح يكون لا اليوم ولا بكرا ولا بعد قرن من الزمان مفتوح اي من فلسفات اخوية ، او خطوطها العريضة للنقاش العام وانو يابا شو رأيكم ، نكون مع الحرية ولا بلا حرية هال اليومين، شو رأيكم نشتغل ديمقراطية ولا بلا ديمرقاطية هال اليومين ، انو يابا شو بيواتي صحتكم اكتر علمانية ولا نقلبها طائفية ، .. انو يابا نحزفلكم المنبر و الاقسام الإستراتيجية و نقلب الموقع تسالي وطق حنك ولا نخليه على حالو ..

اخوية مش سبيل!! ولا جمعية خيرية، ولا موقع هيك يابا فارق معو بفرنك شو راي الشارع فيه و لا رح ينحو بأي وقت ليغازل الشارع .. اخوية عندها خطوط عريضة ماشية فيها ، عندها نظرة ما للأمور عم تحاول تنشرها ، عندها لايف ستايل معينة ، عم تدعو ليها .. عندها اسلوب حياة متكامل عم تطبقو وتدعو إليه .. (يعني عندها شيئ واضح وصريح ومباشر و لا لبث فيه عم تدعو إليه و عم بتبشر فيه .. و طرح هال الفلسفة للمزاودات العامة والتصويتات هوي نقض مطلق ليها .. حلو على آخر هال العمر ، يجيك تصويت نتيجتو 90% نفتح قسم لصور الإباحية !!)
ومتل ما شايفك انا ما تطرح هيك تصويت ليجيك اكتر من 90% انو مع !!

لو شرف بكرا 100 الف عضو ، مشاركين ، فاعلين بالموقع ، و قالو قولة الرجل الواحد ، احنا ال 100 الف عضو ، بدنا تقلبولونا اخوية مرتع .. لاء اخي بدنا بس تفتحولنا قسم بالموقع بإسم "الزرقاوي" لننشر فيه مقالات القاعدة و نبشر فيه بنمط حياتها .. و ندعو الشبيبة هون انو تعيش هال التجربة الكول بالجهاد ضد الكفار و ابناء القردة ..
شو برايك مثلا ؟ شو خرج تقول لهال ال 100 الف عضو .. ؟؟
انا ما عم بقدر اتخيل الموقف كتير ، بس في حدن عم بيوشوشني عم بيقلي بتقول "طز فيكم" .. قلتلو عيب نستخدم هيك مصطلحات هون .. بس هوي اصر على انها الأدق . والأكثر إيفائا بالمعنى المراد .....................


يا عضو:
هدول نحنا ، هيك منفكر، وهيك نظرتنا للأمور ، هاي فلسفتنا ، وهذا ما ندعو إليه .. بيواتيك هيك .. ممتاز جدا .. رائع جدا ..
ما بيواتيك هيك .. معلم "أحــــــــــــــــــــــ� �ـــــــــــــــــــط" بالمشرمحي عم نقولها احط ،
بس ما يدغدغ اي عضو شعور للحظة واحدة ـ، انو بدو يعمل انقلاب من الداخل!! او يابا بدو يغيرنا .. (بتعبيرو يصلح الأوضاع ..)

و بيفضل السؤوال الأهم دائما ليش العضو الي ما عاجبو شيئ بأخوية ، ما بيأحـــــــــــــــط .. (عم ينخر دماغي هال السوؤال ولا قدرت اوصل ولو لجواب تقريبي ليه !!.. )
انو عضو ما عاجبو شي بهال الموقع ، المشرفين متحيزين وما إليه، والأقسام زفت ، والجو بيهوي، والإدارة على اضربين .. طب انت يا عضو الي منظارك عم يعطيك هال المنظر الخلاب البديع .. ليش بعدك مبحلق ؟ ليش بعدك هون .. فعلا شيئ غريب ؟ غريب جدا ، و هذا السؤوال كتير بيحرقصني (بيقض مضجعي لمن بضجع (بتحصل اني بضعجع بين الفينة والفينة اي عادي ..) .. و بتمنى من كل قلبي اوصل لجواب ليه ..

للمرة X لا قيمة لأي تصويت، ولا قيمة لرأي اي كان (بالنسبة لنا) ، بما يتناول فلسفة اخوية وخطوطها العريضة اطلاقا ..
وهذا الأمر لن يطرح للنقاش مع الأعضاء بأي وقت .. ولا رح نستأنس برأيهم حتى (وهون عم بحكي عن شارع عن مجموعة عن شريحة واسعة ، ما عم بحكي عن افراد بعينهم) ..

الشيئ الوحيد فقط الي مطروح للنقاش (بالأمناء و المشرفين والمنسقين وببعض الأحيان مع الأعيان او زوي الخبرة..) هو آلية تنفيز الأهداف ، آلية العمل بها ..

اي اخوية بتوجه بنائي .. (التوجه البنائي لأخوية ما رح ينطرح ابدا للنقاش لا بالمشرفين ولا بالأمناء ولا مع الأعضاء يعني ما رح اناقش بأي وقت هل يكون توجهنا بنائي ولا يكون غير بنائي !!) بس كيفية تحقيق هال البنائية بالمجتمع ، اي طبعا مطروحة للنقاش و بشغف شديد ..
امثلية السبل في تحقيق هال الهدف "البنائية بمثالنا هنا" طبعا رح تفضل دائما مطروحة للنقاش ، و رح يكون لكل يد في هذا ودور فاعل جدا في اثراء السبل ، و في اختبار تجربته الخاصة .. في هذا الشأن ..