[محمد ابراهيم]

كاتب النص الأصلي : ameen

احلى محمد و الله بعد طول غياب
انا بالنسبه لالي كتير بحب اتعرف شخصيا عل الاشخاص اللي بحسن دخلو ع قلبي لانو بحس هاد الشي اساسي لاستمرار العلاقه و تقويتها

وانا بتشكر النت عموما و اخويه بشكل خاص لانو أتاحتلي اتعرف ع ناس صارو جزء اساسي و كتير مهم بحياتي
و م الناس التعرفت عليهم شخصيا
سرسوره
ريمي العفريته
مرامو الغاليه
ابو جريج الشام
و ابو جريج حمص كاكابودا
هشت نشت نهالو
بتر فلاي ميمو
توليب
محبه
ندون
ووسيم


و لسا في لائحة طويله بالانتظار
بسبب ظروف الاغتراب اللي بتهوي



تحياتي

اي فعلا وينك كل هالفتره
يا عيني على ايام زمان عنجد مشتائين

كاتب النص الأصلي : امرأة من ورق

انا ماقابلت حدا من اعضاء الاخوية مع انو في كتير اعضاء صارو اصدقاء غاليين عليي وحبيتون كتير وحابة اني اتعرف عليون شخصيا منون مرسيل وهاني وجاد وحشت نشت ومحمد ابراهيم و me2و here i am وكتار غيرون وكلون مابتخيل انو رح يفرقو معي كتير عن معرفة الانترنت

بس قابلت اشخاص انترنتين من غير الاخوية
واحد كان مهتم بالانترنت بس باقسام الخواطر والادب وكان بالفعل بيستحق كلمة اديب وكانت صورتو بذهني انو فنان ولما قابلتو بالواقع ماتفاجأت بشي ابدا بشخصيته

وواحد كان بالانترنت يضل معصب وعم ينزل مواضيع قاسية عالناس وعم يفوت بخناقات معون وكنت حسو انو انسان محبط كتير ولما شفتو بالفعل حسيت انو انسان محبط بس ورا هالاحباط شخصية قمة باللطافة والرقة وهي نقطة ماتوقعتها فيه من خلال الانترنت

قطعا قطعا انتي مو محتاجه تعرفي رئيي عنك لانو قلتو من قبل
عالمستوى الفكري والثقافي والادبي والاخلاقي باختصار "راقي جدا"

بس في ناحية بالموضوع ماطرحها محمد وهيي شو كان رأي هالاشخاص فيي واذا شافوني بشبه الشخصية الانترنتية اللي بحكي من خلالها!!!!! الشخص الاول قلي انو انا بشخصيتي الحقيقة الطف بكتير من الشخصية الانترنتية والشخص التاني قلي انو شخصيتي الحقيقية اشرس بكتير واقوى من شخصيتي الانترنتية

هي بالمختصر تجربتي مع الشخصيات الانترنتية

تركت ملحوظه مشان هالجزئيه لانو كان ممكن حد يحط اضافه جيده مثل هالاضافه
المهم انا مع جاد في رئيو عن الشراسه (احتمال نكون انا وجاد محبطين متل الشخص التاني)

معقول ممكن تكوني اشرس من هيك