[محشش]

كاتب النص الأصلي : SaKRaN

ولله يا rammestin انا بستغرب منك عنجد !!!
اول شي يعني متل ماقال شامي من طوكيو يا ريت اتجيب المصدر
تاني شي الرجال اذا متل ما عمتحكي انت انو تاجر واتهرب من الضرايب معقول يعني يروح يصير معارض النظام لانو دفع ضرايب ؟؟!
يعني معلش جيب انسان اهبل ومجنون ما بيصدق هل الحكي لاتزعل مني بس اذا هو زكي وخبيث متل ما انت عمتبيلنا انو اتهرب من الضرايب واخد الوكالة بالغصب وبيهرب المواد الاولية لانو كان عضو بمجلس الشعب ............فمو معقول يكون غبي ويصير ضد النظام لانو بيعرف انو ما حيستفيد شي وحياكول هوى بالاخر لانو مابيقدر يحكي شي ضد النظام بالعكس كان بيتقرب من النظام مشان ما يدفع ضرايب متل الروس الكبيرة الي عنا!!!!!!!؟

يا حبيبي انا ما عمبقول انو انت كذاب و/الف الحكي بس اكيد شي واحد اهبل حابب يضحك عليك قلك هل الحكي
معلش يعني ابقى اتأكد من الموضوع احسن وانا لا بعرف رياض سيف ولا بيهمني امرو لا هو ولا البيانوني ولا حدا من هل الشلة بس يعني نصيحة بدك تكتب شي اتاكد منو احسن الك

وبعدين اذا بتحب كتير تكتب عن التجار النصابين بعطيك كم اسم ياريت ادور على قصصون متل:

نائب رئيس الجمهورية وقبل كان رئيس مجلس الوزراء وقبل كان وزير خارجية وهو خدام نظام البعث وخدام حافظ الاسد يا ريت تحكيلنا شلون ماحسو عليه انو هو خاين الا هلق بعد 35 سنة بالنظام ؟!

والشب التاني الله يخليلكم ياه السيد المحترم اصف شوكت المشهور باخلاقو وامانتو

والشب التالت السيد المحترم ماهر الاسد الله يعزو فوق راسكم

والشب الرابع والاهم رامي مخلوف الانسان العادل والمحترم هو صحيح ابن خالتو للرئيس بس الزلمة مابيدخل صلة القرابة بالشغل حرام يعني الزلمة عادل وبيخاف ربو

وفي كتييير بس يا ريت تكتبلنا على هدول لانو شكلك بتحب انو تحكي عن الفاسدين بسوريا

الله يعطيك العافية يا اخوي

اي ما هو هون اصل المشكلة يعني خدام و المعارضة كلهون طالعة ريحتون من زمان ويلي زكرتهون انتا كمان طالعة ريحتون والشعب ضايع بين التنين على كل حال الله يهدينا بالنسبة للمرسوم الجديد للمغتربين حدا عنده اي فكرة؟