يعني شو عميصير, والله ماني فهمان, بس حدا يشرحلي, لو سمحتو! يعني كيف هيك الأمور عم تمشي, ما عم أعرف, و شلون, لهلأ ما فهمت!
قلت لحالي:" يا ولد, مادخلك أنت, شو بدك بوجعة هالراس, يعني ماعم تاكول وتشرب وتأرجل, شو بدك أحسن من هيك!!!"
إي بس أنا بدي افهم, يعني ليش عمي معو مارسيدس, والبنزين تبعها ببلاش, وبابا لهلأ ما حسن يشتري بسكليته؟
وليش بنت عمي معها 3موبايلات, ونحنا بالبيت ماعنا أصلن خط أرضي! مع انو بابا صرلو 30سنة موظف, وعمي ماصرلو غير 10سنين!
طيب عالقليلة, ليش لما لما ابن عمي عمل خناقة لأنو كان عميتحركش ببنت وطلع المسدس وقوص, وصاب أخوها للبنت بإيدو, وقطعولو إيدو, ماحدا حكى مع ابن عمي, بالعكس, حطوا أخوها للبنت بالسجن 3أشهر بتهمة افتعال شجار مع طفل وضربه, بالإضافة إلى إشهار سلاح حربي!!!! أما أنا, أول مرة بحياتي بلطش بنت بالشارع, إجو 5 شباب مشكلجية وعملولي قتلة إلها أول مالها آخر, وضليت من وراها خمسطعشر يوم بالفرشة! وعملنا محضر بالشرطة, بس القصة ماطلع منها شي بنوب!!!!
وهي كمان بلاها, يا أخي, عالقليلة, أنو ابن عمي الكبير, عندو شركة كبييييييييييييرة, ومصاري كتير (لاتسألوني منين جابون لأني أنا أصلن منصطل, وماني عرفان منوين جابون) مع انو مامعو بكالوريا, وانا خريج طب بشري,وطلعت الأول على دفعتي, ومع ذلك ماااااااااااااااااا طلعلي ولا حتى منحة على الصومال لأعمل دوكتوراه!!!!
يا جماعة حدا يفهمني ويشرحلي شو عمبيصير, والله ماعم أفهم,
رح طق!!!!!!!!!
يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي
Never underestimate stupid people in LARGE GROUPS!
إلى أن يعود معتقلوا الرأي... تصبحون على وطن!