معتقدش اذا اتنين بيحبو بعض و متفاهمين هتفرق معاهم موضوع الديانة و لو بلعقل مفيش حد بيختار دينه كل واحد فينا بيتولد بيتبع دين اهله غالبا و معظم العالم بيكون تدينها و ايمانها ظاهري و مش فاهمة شيء بلدين الي بيعتنقوه و بيفتوا كمان على الاساس ده و بيحاكموا غيرهم لكن اللي انا مقتنعة بيه انه ربنا رب قلوب
و المشكلة في دولنا العربية في القانون و المجتمع
يعني اذا اتنين بيحبو بعض و كانت ديانتهم مختلفة بيكون فيه اشكالات كتيرة بتقابلهم على المستوى القانوني لو حبوا يرتبطو مثلا ممنوع انه مسلمة تتجوز شخص من ديانة اخرى و بيلجأوا في الحالة دي لحلول ملتوية او بيضطروا يسافروا بعيد عن بلادهم لاتمام الارتباط
و المشكلة الاكبر كمان بلمجتمع بيحارب و يرفض العلاقة دي و بينبذوا افرادها و بيهولوا المسألة لدرجة تخليك تحس ان القيامة هتقوم لو ارتبط اتنين مختلفين في الديانة و كأننا عايشين بالمدينة الفاضلة و ده الشي الوحيد الي مش مظبوط فيها و لازم يتصلح و غالبا البنت في العلاقة الي زي دي سواء كانت مسلمة او مسيحية هي الي بتتعرض للضغط و غالبا اذا تم الارتباط بيحصل قطيعة من الاهل ده احسن و ابسط الاحتمالات ان مكانش الموضوع فيه قتل او سعي للتفريق و خلافه
و دمتم سالمين
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي
|