[أبي الحروف]

كاتب النص الأصلي : حيدره الأسطوري

والله شغلتك شغلة ياابي الحروف؟!!!! هلق من ويت طلع معك رب شرعيتو للجميل؟؟؟؟ واحد عميل صهيوني والتاريخ اكبر دليل. وصار الفدائي المقاوم ارهابي؟؟ والسادات بطل!!!! ياسيدي حكيك حكم ماشاء الله مابعرف بتتعاطى الحكم انته شراب ولاحبوب؟؟ يعني مطنش كل التاريخ وجايينا يازلمة شوعم نحكي على ابو عبدو بياع الفول عم نحكي على شخصيات واحداث تاريخية وثابته ولاخلاف عليها الله يرضى عليك

ثابتي شو و تاريخ شو؟؟ ما نفس الي ثبتلك انو الشيخ بشير الجميل (عميــــــــــل)
هوي نفسو الي ثبتلك انو السادات (عميـــــــــــل)
هوي نفسو الي اليوم عم يعمل الي عملو السادات (العميـــــــــــل) والي فكر يعملو الشيخ بشير (العميــــــــــل)

هاي بخصوص الثوابت ..

اما بخصوص الفدائي _بحد تعبيرك_ فهوي برجع بقلك نصب نفسه "مشرّع، مدعي عام، محامي دفاع، قاضي، و حكم على بشير و نفز الحكم بإيدو " ؟؟

ما حدى بيعمل وطن .. ما حدى بيأسس لأمة وهوي عم بيشرعن للأفراد يحلو محل المؤسسات و ينصبو نفسهم قضاة على الآخرين يحاكموهم بإيدهم ..

اي عم بيفكر يعمل وطن بهال الطريقة رح يحصل على غابة ..
والي عم يبني أمة على هيك اسس رح يحصل بالنهاي على مجموعة قبائل بدوية ..

لا مو هيك بتنبنى الأوطان يا رفـــــيق ..