[Syrian Gay]

كاتب النص الأصلي : كنان2006

مسا الخير رامي
اول مايسترو معي الليلة بدي رحب فيك وبدي احتفي فيك الليلة... يا هلا يا هلا



رح ابدا معك من فقرة ممنوع الحكي :

رامي : سوريا اعلنت انو ممكن تسترجع الجولان بالقوة
شو رايك ؟ بعتقد انو فيها تسترجع الجولان بس بمساعدة الشعب لأن بعتقد الحكومة لحالها مانا قادرة

رامي برايك شو القانون اللي لازم يتغير بسوريا ؟
في قوانين بصراحة قانون حقوق الانسان بشكل عام وقانون حماية المثليين جنسياً من اي اعتداء من الغير إن كان على نطاق الحكومة او الشعب


مع الانسحاب السوري من لبنان ؟ اي مع الانسحاب السوري بس كمان ضد يللي عم بيساويه الشعب والحكومة اللبنانية وبصراحة الشعب اللبناني انكر معروف قدمتو الهون سوريا وكمان الشعب اللبناني ما بيميز بين الحكومة السورية والشعب السوري وهادا بنشوفو بقتل العمال السوريين بلبنان

التدين منتشر كتير ببلادد العالم العربي شو رايك؟ انا مع التدين العقلاني المتحضر وانو كل واحد حر بحالو ما حدا يقدر يغصبو بالتدين وبنوه هون انو انا ضد الحجاب




رح نروح لحلو الحكي ونحكي ثقافة

خبرني شو عن علاقتك بالشعر ؟ مو صحبة كتير

المستبدة قصيدة نزار قباني شو بتعنيلك ؟ ماني قاريها

رواية نوال السعداوي مذكرات طبيبة شو رايك فيها ( بتمنى منك تقراها من مكتبة الاخوية ) انا بحب قراءة القصص والروايات بشكل عام وعجبتني الرواية كبداية

خبرني كيف شايف المسرح وشو بيعجبك فيه ؟ بحب المسرحيات الهادفة الساخرة وغير الساخرة وبيعجبني مسرحيات (همام حوت) كفكرة وكفتح قضايا

رح نسمع كم غنية :

لما بسمع صوتك بنسى كل اللي بدي قوله

من اللي لما بتسمع صوتا بتنسى ؟ حبيبي

لا باحلامك جوليا
في حدا نسيت ماضيه واللي كان؟ رفيقتي سينتيا بعد ما جرحتني كتير بعد ما سمعت حكي من غيري عليها وانعدمت الثقة بيناتنا بس بعدين رجعنا بعد ما التقينا يللي وقع الخلاق فينا وجه لوجه

والله فكري هنيك زياد الرحباني
اي من سياسيين العالم العربي بتقله هيك كلمة ؟ بشار الاسد

يا لبنان دخل ترابك

شو ؟؟؟؟؟؟؟؟؟؟؟؟؟؟؟؟ شو دخل ترابو ما فهمت شي بصراحة


بدي منك تطلع معي ونشوف هالصور :

انا أول حب بحياتك شو بتقللي بفكر فيك بعدين بحبك

أنا والدك -مع احترامي لخصوصية العلاقة - شو بتقللي ما كتير بحبك بحب امي اكتر

انا ابو جوزيف على عيني احسن شاب صاعد بالمنتدى

انا و انت بعد 40 سنة شو بتقللي بتتذكر...
انا خطاياك السيئة شو بتقللي أبعد عني خليني غني

انا كنان شو بتقللي انا ما بعرفك منيح بس من هللا ولبعد بدي تابع مشاركاتك ويعطيك العافية على الموضوع المتعوب فيه

اسال نفسك سؤال وجاوب ؟ بتحب كونك ذكر وللا بتحب تكون انثى وبجاوب لا اكيد انا مبسوط كوني ذكر وابدا ما بتمنى اني كون انثى بس بحسد الانثى على اخلاقها الحسنة

خبرنا شوي عن ذكريات الطفولة وعن شي بحياتك بيعنيلك كتير .. رح خبرك عن طرائف الطفولة ويللي هو اني كنت حب اكل البوظة انا وشعري فكان حك البوظة الستيك بشعري واكلها بس ليش ما بعرف وكنت دائما مزلط وكل ما يلبسوني اهلي بشلح لأ ما بستحمل اللبس ولهللا هالطبيعة

رامي هالمرة رح واجهك مش مع ضيفي اللي جايي بس رح واجهك معي

الموقع اللي حاطه ببروفايلك موقع للتعريف بالمثليين نوعا ما

كتير بقدر الشغل اللي عاملينه - من من كانوا- وهيدا شئ طبيعي هو ما فهمت سؤالك منيح بس رح رد على شي يللي فهمتو والموقع فري سيريا غايس وشبكة الجمعية السورية لمثليي سوريا عاملينو مجموعة من الشباب الغايس للرقي بجنسنا وإبعاد الافكار الخاطئة عنو

شو بتقول للي بيقلك هول حيوانات وعقوبتون بالشريعة الموت بعتقد انو يللي بيقول هالشي ما عندو بعد نظر وما عندو خبرة كافية بالحياة لأن لو اختبرت المثليين لشفتون احسن من العاديين من حيث المشاعر والاحاسيس و الانسانية اما عن الشريعة فأنا مقتنع انو ما كتب بالقرأن والانجيل والتوراة تفسيره خاطىء بقصد انو الله ما كان عم يحكي عن المثليين جنسيا بحكيه بعتقد كان عم يحكي عن الغير مثليين الذين يقومون بممارسة من اجل التسلية والتغيير مع انون بيكونو بيشتهو النساء بس نحن المثليين فما بنشتهي النساء ولو الله حكم علينا بالموت بشريعتو ما كان خلقنا هيك وبعدين يموتنا يعني في تناقض بالموضوع

خاصة مع انتشار الدين بقوة هالكم يوم
مع ملاحظة انو السؤال ما بيعبر عن اللي براسي انما هو سؤال الناس


هيا معاً لحماية البشرية من القتل في شتى بقاع الأرض ؟؟؟؟؟؟؟؟؟؟؟؟
ليش حامل الدنيا هيك ؟ لأن عم يصير قتل وتشريد كتير وانا ضد اي قتل لأي سبب من الاسباب لأن ما بيصير شخص ينهي حياة شخص ان كان من خلال الحروب او القوانين المتعجرفة بالدول
برايك رح تقدر توقف القتل ؟ الانسان بيحاول قد ما فيو لأن ما كل شي ما بيجي بالهين وانا دوري بيكون بإرسال رسائل للتوعية


رامي بشكرك كتير على حضورك معي اكيد اكيد اكيد اكيد مايسترو الله يسلمك على هالحلقة الحلوة

ضيفي الجايي ابو جوزيف
بتركك تقدمه كيف ما بدك
الله يعينو خلي يلحق يكتب قبل ما يطلعو نتائج البكالوريا لأن بعدين ما رح يعرف يركب ولا كلمة

مايسترو