[krimbow]

مرحبا شباب

هاد المنبر الحر ... كل واحد بيحألو يحكي يلي بدو ياه
يعني حسون حر ينزل يلي بدو ياه
و ابو عبسي حر يرد عليه بدون تجريح او اهانات
متل ما بتعرفوا المكتوب مبين من عنوانو يلي ما بيعجبو العنوان لا يقرا

في شغلة حلوة فوق بتلاقي مكتوب " رشقلي هالموضوع بقائمة مفضلة المواضيع"
يلي بيشوف موضوع مهم و حابب يتابع الردود عليه بس يكبس ع الوصلة و بيمشي الحال

هلأ حسون عم ينقل مواضيع من غير مواقع و هي الها ايجابيات و سلبيات

ايجابيات: انو ما عاد في داعي تروحوا ع هديك المواقع ... يعني بتفوتوا ع المنبر و بتلاقوا المواضيع عم تخدم شواربكم
و السلبيات: انو المراقبين مضطرين يقروا كل شي مكتوب
بس بالنسبة للشباب ما في سلبيات لأنو الموضوع المهم رح يضل موجود بالتوب مع كل رد جديد

من فترة كان في موضوع انا بعتبرو كتير مهم هوي "ديكتاتورية البلوريتاريا و حكم العمال" ضل الموضوع شي شهر بالتوب بدليل انو كان مهم

الفكرة انو كل واحد حر شو يكتب و شو ينقل و كمان حر شو يرد طالما ما خرجنا عن اعراف و تقاليد الكتابة بالمنبر

بتمنى منك يا ابو عبسي انك تتراجع عن قرارك بالتزام الصمت
بعدين انا ما حسيت انو حدا قلل من احترامك
وين الاهانة يلي وجهلك ياها حسون لما اعتبر حالو اوعى منك؟؟؟؟
ما هوي حر يعتبر حالو شو ما بدو، و انت حر تعتبر حالك اذكى واحد بالعالم حتى، و نحنا (كقراء) احرار بدورنا، و هي حلاوة المنبر الحر