....................
[quote=كنان2006;661619]يسعدلي وقتك يا قمر
اهلين
بناءعلى طلبك ولانك من القطع النادر تغير سيستم الاسئلة
شكرا...
بالمرفقات في نص بدي منك تقريه وتخبريني شو رايك وكيف حاسة
يا ترى لو اجا يوم وكنا متله شو بنعمل ... تأثرت كتير للشب واصعب موقف انو امو توفت بحس انو بهي اللحظه فقد مصدر الحنان ... بعيد الشر عن الكل ان شاء الله ما يجيكم الا الخير بس بظن انو مش كل الناس عندها هالاصرار اللي عند هالشب بتلاقي ناس حالتها احسن من هالشب بس ميأسه من الحياه
شفتي ما حكيت سياسة بنوب...
رح انتقل معك لفقرة جديدة كمان وهالمرة رح افتح قلبك ... عمليه جراحيه يعني؟؟!!!
وبدي منك تحطي شي بيعز عليكي فيه وتخبرنيي عنه.. شخص مثلا.. للاسف اللي يعز علي توفى وهي صاحبتي الله يرحمها كانت مش صديقه وبس متل اختي واكتر اليوم اللي فقدتها فيه كان اصعب يوم مر بحياتي..... مش رح كمل اعفوني... الله يرحمها
رح نشوف 6 صور
روما ... رمز الحضارات
مكة المكرمة ..ام القرى متل ما وصفها القران وبتمنىىى اني زورها قرييب قولو امين
حمص هههههههه...
السيدة فيروز... الفن الاصيل.. والصبح بلا انغام فيروز ولشي
ابو جوزيف ...pass
الجميلة النائمة -اللي بالقصة - هي انا وهي صحاب من ايام المدرسه بحب قصتها كتير واحلى شي وقت يصحيها الامير
قديه بتشبهك ؟ ومن الفارس اللي جاي يصحيكي .. انتو شو دخلكم فيه
رح نسمع موسيقا .. طيب يلا
سحر لينا شماميان
كيف بتشوفي لينا ؟ مين لينا؟؟؟
بحلم بلقاك ذكرى
شو بتخبرينا؟ انووو فعلا اني بحلم اني بلقى ناس بحبهم كتير بس حاسه انو رح يضل حلم وصعب انو يتحقق
شام يا ذا السيف
شو بنقول للشام ..لو حكيت ما حكيت ما رح وفي الشام حقها..الله يحميها ويحمي اهلها
حاج اسئلة خفيفة اجا دور التقال ياااا سااااتر
الجميلة النائمة رح اطلب منك تتخيلي معي انو نحنا عم نشوف 3 شهب تتساقط ورح نتمنى 3 اماني
1 السلام...انو يعم السلام الارض وحاجي كل يوم تقتيل ودبح ودم وتعذيب..وترجع اراضينا النا يا رب
2 صير احسن مهندسه بالبلد.. بعرف بدي اتعب كتير بس الله بعين
3 قلتها قبل التقى بناس بحبها...
اوصي والدي ووالدتي ب يستحملوني شوي بعرف مجننه فيهم الله يعينهم عليي.. بحبهم كتير
اوصي تالين ب لاااااااا تبطلي جنان حبيبتي خليكي هيك..والله انك ظريفه
اوصي رامي -سيريان غي - ب بلاش تعليق ع الحبل كتير
اوصي كنان2006 ب لا تحرج الناس كتير بالأسئلة
اتبرع بكامل ثروتي الى.. انا عندي ثروه...بصير اتبرع فيها للعالم اللي مش لاقيه تعليم لان التعليم اهم شي ومنو يقدرو يحصلو على ثروه
اعترف بسر لاول مرة اقوله وهو ... ما عندي اسرار متل ما بقولو كتاب مفتوح
الجميلة النائمة
بدي منك تقولي اللي بقلبك وبصراحة تامة عن حياتك هل انتي راضية عنا ... الحمد لله على كل حال..راضيه بس في اشيا بشخصيتي لااااازم غيرها لان هي اللي واقفه بطريق تقدمي بالحياه..
ايمتى برايك رح تقولي حاجة تعبت من الحياة.. الحياه كلها تعب.. وبدون التعب الحياه مش حلوه ابدا لان الحياه مغامره جريئه او هي لا شي على الاطلاق" توقيعي"
من اللي اذاكي وحابة ترديله ياها .. كتااااار بس مش من طبعي رد الاساءه بالاساءه هيك تعلمت على فكره صعب كتير تعمل هيك بس بقلك شغله( عذب حسادك بالاحسان اليهم) والله هي بتقهر اكتر من الانتقام
قديش كنتي صريحة معي...كتير ما خبيت شي
قديش تعبتك ... ما تعبتني ابدا ...يعطيك العافيه
بكشرك كتير الجميلة النائمة على حضورك اليوم الضيف الجايي هو butterfly... شكرا كتيييير
مايسترو[/quote]
|