ضيفنا اليوم .... شخص حبيتوه كتير من خلال كتاباتو بل اخوية و فكيرتو الحلوة و يلي كانت شي جديد على الاخوية و يلي هي اكيد مايسترو
خلونا نستئبل سوى الغالي كنان بزفئة اوية كتير و هيصة على اولة البننيي
مسا الخير عليك كنان .....انت اليوم ضيفي ببرنامجك اكيد مايسترو
اول سؤال وصفلي شو شعورك انك تككون ضيف ببرنامج ئلك؟
متل ساعي البريد اللي بيبعت رسايل للناس وما وصلته ولا رسالة لليوم
انا كتير مبسوط اني اليوم ببرنامجي ومبسوط اكتر لانكون قبلتوا تكونوا محلي
رح بلش معك من عندك.... عبر بكلمة
مين كنان؟
مجنون
من شو بيخاف كنان؟
المستقبل
امتى بيكون تعيس كنان؟
لما بتتسكر بوشي يعني كل يوم
كلمة لربك؟
بحمدك
انا انت بعد 15 سنة شو بتئلي؟
يا سنين اللي رحتي ارجعيلي
انا رفيئتك يلي كنت بدك ياني حبيبة شو بتئلي؟
يا ريت
انا ماضيك السيئ شو بتئلي؟
بدي وقفك وما خليك تكبر
انا كنان المستئبل؟ شو هدفك؟
شو مخبيلي ؟ رح تفتح بوشي؟
انا امك؟
يا اعظم ام بالدنيا بس لو تفهميني
انا ابوك؟
يا مايسترو ياترى ممكن كون متلك بشي يوم ؟ مابدي عيش ماضيك نفسه
انا انسان جرحتني و ما اعتزرت مني.....؟
حقك عليي والك بوسة لراسك
انا آشلي...؟
ما بعرفك بس بقرا اللي بتكتبيه وبتمنى اعرفك اكتر
انا تالين...؟
سندريلا
انا العضو ما بعرف.....؟
ارجينا وشك
السياسة للرجال ؟ بنظرك.....؟
لا في شغلات الست بتفهم فيا اكتر
خلينا ننتئل للسياسة.....
شو بتئول لا اطفال الحجارة؟
انتو اشرف الشعب العربي كله
بوش طالب مساعتدك بمبلغ منيح لتشتغل جاسوس؟
يحل عن ربي مخابرات موزنبيق ما بتشغلني وبعدين بوش؟؟؟؟؟؟؟؟؟؟؟؟؟؟؟؟؟
احكي كلمة جريئة ما حكيتها من ئبل و حابب تحكيها ......
السوري ملعون نفسه بالحياة بس هو اهم شخص بالدنيا
شو رايك بجيش السوري.......؟
الجيش اللي عنا بوجوده غير ربنا ما حدا بيقدر يهده
شو موئع كنان بثئافة .....
احلام مستغانمي .....
بحبا كتير بتلامس احاسيسي بقوة
قصيدة نزار....... الفالنتاين..... حكلينا عن الفالنتين بنسبة الك
بكرهه لانو نظام البزنس اليوم خلا الحب بس بهاليوم والحب هو حياتنا
احلا مسرحية .....
اثرت فيك
اذا قصدك على النص فهو طقوس الاشارات والتحولات لسعد الله ونوس وسيدة الفجر لاليخاندرو كاسونا
اما العمل فكتير حبيت آخر حكاية لرعد خلف وشوكولا لرغدة شعراني
الطرب...... و الفن.... اليوم؟ شو منشانو؟ عبرو عنو بس بكلمة فقط .....
الطرب : بحر
الفن: حياة
خلينا نشوف سوى صور ..... و شو بتئلون
عبد الحليم.....
بحبك كتييييييييييييييير يا ريت ترجع لنا
Celine Dion.....
معي بكل صباح مش انتي اللي بتقولي :anew day has come
اليسا....
حلوة بس في احسن منا
جورج قرداحي.....
مو حاجتنا مليون ؟؟؟؟؟؟؟؟؟؟؟؟؟؟؟؟؟؟؟
لمين بتئول
اكرهكي .... غنية كاظم
واحد اسمه .............................................. يللا بلاها
احبيني بلا عقد ...
لحبيبتي اللي ما شفتا
و مع ابو وديع الملك...........
آسف....
من كتيييييييييييير شغلات وعلى ناس اكتر
جرحونا.....
كتار
زمن العجايب...... شو يلي عجيب بزمن برايك؟
انو هاد الزمن ما عم بيقدر شي اسمه شاب
تفضل بائة ورد وصلت هلاء من سيريان ... و ابو جوزيف و الشلة يلي عم يتابعونا
و هي كاسة مي منشان تبل ريئك.... صحة على ئلبي 
رح افرط باقة الورد ووزعا للشلة ومع كل وردة بوسة
صحتين وهنا
حكلينا عن كنان بسن 16 لل 20 ...... بلمحة صغيرة.......
وحداني رفيقه الكتاب والكومبيوتر مولع بالفن بس ولا شي بهالحياة مولع فيه
و هلا ليكها المرايا ئدامك ....... حاكي يلي عم تشوفو.....
شايف قدامي بطل مسرحية بديت يوم 13 حزيران وما بعرف ايمتى رح تخلص
لحد هلا معظم مشاهد هالمسرحية تراجيديا تامة
بس عندي ثقة انو حيعمل هالبطل شي كتير كبير
شايف فيه ملامح طموح كبير بس بيخاف المستقبل
كنان شو بتئول لا.....
للخاين.... ما بدي قلك شي
للكذاب... لا تستغبيني
للوفي..... اذا بتطلب عيوني هنه الك
كنان عربلنا.... هي الشخصية يلي هي كنان؟
كنان خويف كتيييييييييييييييييييير بس جرئ على العالم الافتراضي
من كتر ما اكل قتل قرر ما يقتل حدا بنوب
من برنامج اكيد مايسترو حابين نهديك زكرى
سيدي لا ... ماجدة الرومي
سيدي لا ..... ملحم بركات
سيدي لا ..... انريكي
سيدي لا.... راغب علامة
سيدي موسيئا رومانس دون كلمات
بيحئلك تختار تلت سيديات ....... البائي بدك تدفع حئو لانو هههههه
رح اخد ملحم بركات انريكي راغب علامة
هلا رح تدخل غرفة ما فيها ضو.... معك الئلم و الورئة..... كتوب شي ...... شو رح تكتب؟
اللهم قوني ثم قوني ثم قوني حتى لا اقوى على احد
معك المايك كنان..... بدي منك .... تئدم ضيف الحلئة الجاي .... يلي هو يمان..... تفضل
يمان مسا الخير بيسعدني تكون ضيفي بالموسم الجايي الاسبوع الجاي
و اسفين على الاطالة....