[COSTA]

كاتب النص الأصلي : اية الرحمان

رد ديبلوماسي

من اختصاصي

كاتب النص الأصلي : Nirvana

لاجل حرية ماذا؟
هل أنت تُجرد أبناء هذه المنطقة من وطنيتهم؟
هل الشعب مسؤول عن أجندة الحاكم تبعو وأحزابو؟

انا ما جردتهم من وطنيتهم ..... بس حكيت الواقع
والشعب اكبر مسؤول عن اجندة الحاكم والرئيس والاحزاب كلها ..... لانو وقت بيسكت على الخطأ بكون رضيان فيه .... ولا تقليلي شعب مقموع وشعب ملتعن نفسو ..... لانو اذا كان هيك خرجو بيستاهل .....
رح اعمل اقتباسات على ردك لانو فتت بالحيط بالرد

عبر التاريخ ما كان في شي اسمو مقاومة يعني لما بلد تهجم على بلد كانو يدافعو عنها اهلها (اليست هذه مقاومة)

الدفاع غير المقاومة .... لانو يللي بدافع بكون عن بيتو وعن ارضو ....
اما المقاومة هي يللي بتبنا نظرية او ايديولوجيا معينة ( دينية او فكرية ) وبتناضل في سبيل العقيدة يللي تبنتها

يعني كانت الدول العربية ( غالبيتها ) تحكمها السلطنة العثمانية ولما يدافعو عنها كانو يدافعو باسم السلطنة العثمانية لانو اذا خسرو بالدفاع بدو يحكمون غير ال عثمان متل ما صار بمصر دولة المماليك وبعدها دولة محمد علي
وحتى باوروبا كان الدفاع في سبيل المملكة او الامبراطورية يللي بحكمون ملك او امبراطور .......(هاي على ايام روما)

قبل بقرن من الزمان كانت اوروبا كلها ممالك وامبراطوريات وما زال بعضها موجدو وحتى اذا بدون يخوضو حرب بخوضوها باسم الملك ( شكليا طبعا )

يعني قبل بداية القرن الماضي ما كان في شي بالعالم اسمو قوميات او روح وطنية كان في شي اسمو دفاع عن الرجل يللي حاكم البلد .......(كتير هيك .. حتى على ايام الامبراطورية الرومانية .. كان الشعب يقول روما)

لانو كانت روما هي النور بالنسبة الو ( مو هون موضوعنا )
يللي بقصدو انو القوميات ما كانت موجودة كان الانسان مرتبط باسم الارض والدولة يللي كان عايش فيها
يعني كان محسوب عليها ..... وكان في شي اسمو عرق هو يللي بيربطو بالارض كمان
اما القومية فهي بترجع للقبيلة يللي عاش فيها الانسان ويللي تفرع منها

منرجع للدول العربية
الدول العربية ومتل ما منعرف انو كانت غالبية شعوبها تعتنق الدين الاسلامي ... وكانت السلطنة العثمانية تدين به
ومشان هيك ما كان فارقة مع الشعب قصة المقاومة لانو ما كان في شي اسمو قومية عربية ...(بس كان في مقاومة)

ابدا ما كان في شي اسمو مقاومة .... وما ذكر التاريخ هاد الشي بالاساس
بس كان في بايام المحل والجوع والحروب مع غير دول كان يصير مشاكل لما بدو ياخدو الشباب على التجنيد

ولما صارت اتفاقية سايكس بيكو وقسمو السلطنة العثمانية بي فرنسا وبريطانيا... هون صار الشعب بدو يعمل دولة لحالو لانو كانت فكرة القوميات نشأت باوروبا ..... واستوردوها المفكرين العرب وعلى اساسها بنو القومية العربية في سبيل الدفاع عن البلد ونشات عند الغيورين منهم الروح الوطنية بحجة الوطن (قلتلي حجة

طبعا حجة لانو كان المستعمر الفرنسي والبريطاني منتدب فقط وليس محتل ..... هي انتبهوا عليها منيح لانها مهمشة دائما

الجواب على الشق الثاني
نشات دولة اسرائيل في زمن كانت الدول العربية اما مستعمرة او اخذت استقلالها من جديد .....
ومشان تستمر فكرة القومية العربية لم يكن من المقبول وجود دولة في عمق الوسط العربي تدعى اسرائيل لها قوميتها الخاصة ولها دينها الخاص وعاداتها وتقاليدها المختلفة عن القومية العربية (أما اسرائيل مسموحلها تعتدي على دولة أخرى بس نحنا ما بحقلنا نرفض دولة دخيلة معروف شو مصالحها بالمنطقة)

هاد قرار من الدول الكبرى كان بعد الحرب العالمية التانية ......

نشات فكرة جديدة اسمها مقاومة لانو من بعد تجربة حزيران 1967 لم يستطع احد من الدول العربية اعلان الحرب عليها ..... فغذتها الحكومات (بس الحكومات .. ما في دعم خارجي) باسم المقاومة واسم الدين الذي يختلف عن دين بقية دول المنطقة العربية (انت عم تحكي عن الدين الاسلامي؟؟؟!!! .. لانو هون ضيعتني .. ليكون عم تحكي عن حزب الله ولبنان.. بس انا عم احكي عن المقاومة بشكل عام)

يعني بشكل عام او بشكل خاص مين يللي تبنى المقاومة ؟؟؟
طبعا الاغلبية العظمى كانت من الدين الاسلامي لانو عن طريق الدين قدرت الحكومات تستغل هاد الشي ...
وبصراحة اكتر ضحكو على الناس .........

ومن بعدها دخلت امريكا على الخط ودحشت مناخيرها في سبيل حماية مصالحها في منطقة الخليج العربي وخوفها من المد الشيوعي يللي بلش يتقوى في بعض الدول العربية وحركات التحرر يللي دعمها الاتحاد السوفييتي ..... وغذت فكرة المقاومة في سبيل الدين والله كونو الشيوعية تتنافا مبادئها مع هالفكرة
لكن بعد ما تفكك الاتحاد السوفييتي كانت هي المقاومة نمت وكبرت وبدها حجة حتى تضل مستمرة ومسيطرة ..
ولم تجد امامها سوى اسرائيل وامريكا هدفا لتظل مستمرة .... (وأميركا ما الها دور بشي بالنسبة للجماعات الدينية .. يعني ما كانت امريكا تغذيهم لمصالح خاصة بها في المنطقة ولا ضد المد الشيوعي في فترة سابقة ولا لكي تشعل نزاعات داخلية لتطبيق سياسة فرق تسد المعروفة جدا جدا في تاريخ دولنا؟؟؟؟؟)

الشغلة مو فرق تسد او انو تشعل نزاعات داخلية
الشغلة كانت على مستوى الامن القومي لاميركا
يعني كيف بدها تضمن مصالحها ؟؟؟
طيب لنحكي شوي ونشرح اكتر
وقت دخلت الشيوعية كقوة عظمى على اوروبا الشرقية ... ما قدرت اوروبا الغربية توقف بوجها ولا حتى اميركا وحتى انو عملت بالاتفاق مع الغرب الاوروبي حلف الناتو يللي كان مضاد لحلف وارسو مشان يوةقف التدخل الشيوعي
هلأ لما غير وجهتو المد الشيوعي والتفت على وسط اسيا وعلى المنطقة العربية والشرق الاوسط والخليج .... كان لازمو الوضع تدخل سريع من ميلشيات تحد منو .... ونشات هون خلايا منظمة اميركيا ومدعومة اميركيا واوروبيا
بس الوضع تغير من بعد مشاكل الشيشان وافغانستان وتفكك الاتحاد السوفييتي
انو هي الخلايا يللي نشات وكبرت ونمت وتنظمت بشكل رهيب .... شو بدها تعمل ؟؟؟
هون بلشت الطامة الكبرى
الاميركان وجهو هي الخلايا بطريقة غير مباشرة حتى تتعدى على الغرب وهون هي بتلعب لعبتها انو بتتهمون بالارهاب وبتتدخل عسكريا وبتفرض سلطتها على كل المنطقة .... وهون على قولة المتل ضربت اكتر من عصفور بحجر واحد
تدخلت بسياسات المنطقة لحماية مصالحها
وحاربت هي الخلايا تحت اسم الارهاب
وامنت مصالحها من ناحية الامن القومي

وبالنسبة للمقاومة هون في شغلة شبه مغفلة
انو يللي عم يقاوم باسم الدين او الدفاع عن الدين او او او
هاد كلو ترتيب مصالح من قبل الزعماء ورجال الدبن حتى يضلو مسيطرين على الشعب وما ينقاد لغير اتجاهات تهدد مراكزون وتهدد مصالحون الشخصية
ويللي عم يقاوم باسم الوطن
هاد مصيبتو اكبر لانو عايش على التغني باوهام وامجاد اصبحت من طي الماضي ( على قولة كان جدي مختار ) وهب للدفاع عن الشرف والوطن ومو عرفان انو عم يبيعو فيه ويشترو الحكام الانذال
______________________________
بتمنى تكون وصلت الفكرة