[The Dark Dragon]

كاتب النص الأصلي : hajooralolo

انا عندي اسأله كتير لشباب
اول واحد منهم ليش لما تفضحوا بنت ما بهمكم؟؟ ما صارت معي بس شفتها مع غيري

اول شي مرحبا

تاني شي...ما قلنا ما بدنا تعميم...يعني قولي بعض الشباب

تالت شي...انو ما في حدا بيحب يفضح حدا لوجه الله تعالى...بس متل ما بتعرفي متل ما في شباب نص كم في كمان هيك بنات



يعني الشب اللي بيدور ليفضح بنت...بيكون عندو نقص....وبيكون متأثر كتير بالمقولة اللي بتقول انو الشب ما بيعيبو شي..وانو البنت كل شي بيعيبها



وهو طبعا...يعني اي شب نص كم من هدول ما رح يوصل لمرحلة انو يفضح بنت بسهولة...



يعني انا برأيي انو ما في شي بالدنيا بيخليني انو افضح...او فكر افضح حدا مين ما كان


هلأ المواقف متعددة

1- يعني الشخص اللي بدو يفضح بنت كان بيعرفها من قبل..لازم اول شي يفكر فيه انو هالبنت كان في بينو وبينها علاقة...شو ما كانت...يعني يمكن هي خانتو..بس هادا ما بيبررلوا انو يفضح عنها اي شي


2- في بعض الشباب(وركزولي على عدم التعميم وهادا كتير مهم مشان النقاشات) يعني هدول بيفكروا انو فضح الغير هواية وهنن عم يمارسوها...وهدول بدون طبيب نفسي.. وبعدها اعدام



3-يعني كمان لما بيكون شب بيحب بنت وعم يعطيها كل شي عندو ومعتبرها اهم شي بالدنيا وبتكون هيي عم تتسلى بعواطفو( وهي كمان بعض مو كل هه..بعض البنات بيحبو هالحركات كتير) هون لما بيكتشف هالشي هو بيفكر بالانتقام بطرق غريبة عجيبة...بس كمان هالشي ما بيبررلوا اي شي من الحركات الصبيانية



يعني لازم عالقليلة يفكر انو المجتمع ما رح يرحم هالبنت



ولنا عودة...بتمنا كون عبرت عن بعض اراء الشباب.. واقنعت بعض البنات

وراجع للبنات....بالأسئلة النارية




MAJD.....The Dark Dragon