جميل جدا أني الاقي الجنية الخامس وصل هنا
بس إشارات صغيرة ربما تكون ذات جدوى
الفيلم بالفعل حقق ضجة ضخمة بس على مستوى الحلقات اللي بيكون فيها مثقفين و شخصيا بعتقد انو في عصر أحول جماليا زي اللي إحنا فيه دا كفاية نوعا ما
طيب الجنية الخامس
نخلي بالنا انو الاتوبيس في مصر 3 أنواع
العادي - احمر في أبيض - ودا تذكرته 25 قرش يعني ربع جنية وفي الاغلب بيكون عامل زي عشة الفراخ وعشان تركب صح لابد أنك تتنازل عن حاجتين خصوصياتك أيا كانت و بعض الاجزاء الزائدة من جسمك زي الأقدام والأيدي و البطن و احتمال نحتاج نقلل حجم الأنف والأدنين معا
طيب النوع الثاني دا اتوبيسات سوبر شوية ب 50 غلى 75 قرش ودي مش في أغلب الخطوط وعددها قليل وفيها ممكن جدا تحتفظ بكل زوائدك الجسدية لكن موضوع الخصوصية لا أضمنه بصراحة
النوع الثالث والاكثر برجوازية دا اسمو C.T.A وهو مشروع لشركات خاصة ومخصوصة للمخصوصين والمخصوصات يعني الاجرة 2 جنية للفرد ومكيف الهواء وبيقطع خطوط القاهرة بالطول والعرض في أوقات رتيبة عشان اغلب الركاب بيركبوا لاجل الفرار من الحر او البهجة أو اشياء اخرى
و دا اللي شغال عليه الفيلم لانو في السي تي إيه بيكون الكومساري هو نفسه السواق في مقدمة الأتوبيس ذو الستائر السميكة جدا وبعدين عدد الكراسي خمسين وعدد الركاب في اتخن خط لا يزيد عن 15 ويقطع مسافات ضخمة في زحام القاهرة في حوالي ساعتين يعني الحدوتة بتدور على الموال دا
طيب بمناسبة القرآن
فيه هوجة في مصر - مش عارف في البلدان العربية ظروفها ايه - اسمها انك شغل القرآن وممكن تعمل اي حاجة تانية جمبه يعني كاموفلاج اجتماعي ونفسي او بالبلدي طيب اوكي انا مشغل كلامك يا رب فمعلش فيه اشياء مش هاينفع تكون كلها تبعك ومن ناحية اجتماعية فيه نوع من الرهبة انك تقول لسواق وطي الصوت او اطفي من الاساس وبالمناسبة بردو حتى في التاكسيات الأمر دا يعني يا تلاقي قرآن يا تلاقي شعبولا او الاثنين معا ورحلة سعيدة يا جماعة
اه نسيت أنوه انو في حتة الكاموفلاج بيتساوى القرآن مع الادعية الخليجية بالذات واصوات المقرئين اللي بيعيطوا وهما بيقروا آيات لا علاقة لها بالخشوع فقط يعني عادة كدا زي ما انك تحك مناخيرك باستمرار وايضا يدخل ضمن قائمة الرهبة الاجتماعية والكاموفلاج اشرطة الدعاة الجدد بكل الطوائف يعني بتلاقي شغل الوهابية مع عمرو خالد مع أحمد الفيشاوي - الطبعة الدينية - مع صوت سامي يوسف داخل طوالي مع منى عبد الغني و نصائح الزواج السعيد وكيف نغسل الموتى ونطرد الصراصير من بيوت الادب وقلته
ودمتم
محبتي
تلك التي لا أملك غيرها
احمد
اقتباس:
كاتب النص الأصلي : أسير التشرد
5th pound هالفيلم عمل ضجة كبيرة بمصر ومنع من العرض باغلب المهرجانات...
الفيلم روائي مدة العرض تقريباً 14 دقيقة من اخراج المخرج الشاب احمد خالد..
وبيدور الفيلم حول شب وفتاة محجبة وبيعالج ازدواجية المعايير عند الافراد..
موقع الفيلم ع الرابط التالي اكبس هون
ولمشاهدة الفيلم يا حلوين انقر هون
وبرأيي الشخصي انو هالفيلم عم يسلط الضوء ع نفسيات اغلب الناس اللي بتكون بصورة ادام الناس وبالخفى بصورة تانية مغايرة تماماً ...
طبعاً الفيلم اخد حصتو من النقد ع انو الخلفية الصوتية للفيلم صوت قرآن... وانو هالشي بدل ع عدم احترام القرآن.. واغلب ردود الفعل كانت ضد استخدام بنت محجبة بتمارس القبل مع شاب غريب وخلفية صوت قرآن...
بتمنى لكم متعة المشاهدة...
ويا هلا...
|