أخت نتالي :
بدي جاوبك باختصار عن كم نقطة .. لانو توضحت الصورة بعتقد ...
1) تأثرت الأردن سلباً مو بسبب الفلسطينين لانهم فلسطينيين .. بل بسبب الكثرة على بلد لا يحتمل حتى لو نحنا بنحكي عن قبل 60 او 70 سنة (يعني انا مع تحديد النسل حتى بالنسبة للأردنيين الأردنيين ) .. (وهاي وجهة نظر تحتمل الخطأ).
2) الفلسطينيين بيعنولي متل اي شعب شقيق هاد اللي قصدته بمساواتي بينهم وبين باقي الشعوب .. بل هم أقرب بسبب اختلاطنا .
3) وبرجع اقول يجي على كل حامل جنسية أردنية مهما كان أصله ان ياخذ حقوقه ويقوم بواجباته وان يتساوى جميع المواطنين مهما كان أصلهم في ذلك.
4) لحتى فترة كتير قريبة لصرت اعرف انو هاد اردني اردني وهاد اردني فلسطيني (للاسف بسبب بعض الاشخاص الفلسطينيين والأردنيين فيما بعد) .. ولا صدقيني بهاد الموضوع كنت متل الأطرش بالزفة .. ولهلا ما بعير هالشي انتباه .
5) انا فعلا كنت عم أسرد واقع معاش أو بالأحرى بعض الوقائع .. وهذا لا يعبر عن رأيي الشخصي.
6) لأنا برجع اكدلك على انو الحكومة مسؤولة عن الأردنيين من كافة الأصول . .
7) يجب على الفلسطيني ان يرى نفسه اردني وعلى الأردني أن يرى الفلسطيني الأردني .. (مع الاعتزاز والاحتفاظ بالأصل) ومولاة الفلسطيني لا تعني ان يهلل للملك وجماعته لانو حتى بعض الأردنيين امثالي لا يفعلون هذا..
أعتقد انو صار واضح رأيي الشخصي لكن الأردن كأرض والأردنيون كشعب يجب ان لا يحمّلو عبأ الحكومة أو الملك .. أما الحكومة ورئيسها وملكها فاخطاءهم لا تعد ولا تحصى ..
كل جنون بينكتب بالدم ..
|