بعد تجاوز المرحبا و الكيفكن لانو صارت شي تقليدي ومنرددها بشكل ببغائي خارج عن معنى هالكلمات
يعني صرت بس تشوف واحد بتقول مرحبا كيفك شلونك شو اخبارك هيك رشا بدون ما تنطر جواب بس انو عم تسلم علي يعني
المهم هون رح نتابع سلسلة العاب الغرفة المغلقة اللي بدأناها بالمواضيع التالية
اول جزء نزلو الراحل زين (اطال الله بعمره واسكنه فسيح جناته ) بعنوان لعبة بتجنن (الغرفة المغلقة):
http://www.akhawia.net/showthread.ph...E3%DB%E1%DE%C9
تاني جزء نزلتو حضرتي (اطال الله بعمري وادخلني فسيح جناته ) بعنوان لعبة تحدي الغرفة المغلقة الجزء التاني:
http://www.akhawia.net/showthread.ph...E3%DB%E1%DE%C9
تالت جزء نزلتو حضرتي (نفس الديباجة ) بعنوان لعبة تحدي الغرفة المغلقة الجزء التالت (الغرفة البيضاء):
http://www.akhawia.net/showthread.ph...E3%DB%E1%DE%C9
رابع جزء نزلتو منوشة (ام ادهم حفظها الله ) لعبة تحدي الغرف المغلقة (الغرفة الوردية):
http://www.akhawia.net/showthread.ph...E3%DB%E1%DE%C9
طبعا يرجى قبل البدء بهذا الجزء (وخصوصي للي مو لعبانين الغرفة المغلقة من قبل) انو يرجعو على الاجزاء السابقة ويحاولو فيها شوي ويعرفو كيف اسلوب اللعب وخاصة انو الاجزاء السابقة كلها كانت محلولة وفيها مساعدات بالردود وبعدين يجربو بهاي
المهم هاي اللعبة بتختلف عن الالعاب الماضية انو فيها توقيت يعني معاكن ساعتين لتحلوها واذا ما حليتوها قبل ساعتين فيعوضنا بسلامتك والله يرحمكن ويدخلكن فسيح جناته
هادا رابط اللعبة انشالله تعجبكن
http://www.addictinggames.com/escapethebomb.html
طبعا اللعبة حليناها انا والمعلم willi (هوي طبعا نحنا تساعدنا عليها بس هوي سبقني وحلها لانو انا كنت بالشغل
)
المهم اللي عندو اسئلة يحطها هون ونحنا رح نرد عليكن بشرط انو ما تكون اسئلتكن عن كيفية حل اللعبة
يللا انتشرو وفرجونا شطارتكن
