[وائل 76]

ارسلان
لا طبعا قبل ان تحسن سوريا صورتها لدي اهل فلسطين في الضفة وغزة ان ما يفعله الاشقاء السورين بإحتضانهم للمدعو خالد مشعل وزمرته امرلا نفهمه

ارجو الا تستغربو مني لكن انا حزين جدا على صورة سوريا في بلدنا فهي قاتمة جدا يا اخوتي

ان النظام السوري لا ادري اكان بقصد ام بغير قصد طالما ظل يغطي على جرائم اولئك القتلة فلن يكون مرحب بأي عمل من جانبه ضد الكيان الاسرائيلي ولن يقتنع الفلسطينيون بذلك

ارجو ان تعذروني فمن في النار ليس كمن في الجنة اقصد اننا نعيش في ظل قتلة لا تعلمون مدى حقدهم على الانسان وكل شيئ ينطق بالعقل وكيف انهم يستلذون طعم الدماء وطعم التعذيب
لق شرخو كل البنى الاجتماعية في وطننا داخل البيت الواحد الاخ لا يأمن اخيه فهو مغسول هقله والفتوا جاهزة للقتل على اتفه الاسباب
انا اعتزر لكن هذه هي الحقيقة

العذر منك مازن .. فتت على ملفك أشوف وينك بدي أتغالظ عليك .. وصلت لهون !!

شو يا معلم .. كيف نظام تحليلك للأمور أنتا و كيف بتحسبها حتى أعرف أتفاهم معك .. معلمي بدك سوريا تفوت بحرب لتعبر عن موقف عروبي تجاه القضية الفلسطينية على مستوى مواقف عباس ؟! يابى عباس رافع رجليه من زمان من قبل ما يصير إلك شغلة حاملها بين كتافك ما بعرف شو طبيعتها بالضبط ..

صحصح معلم و إستخدمها صح .. هاي ربك خلقها لنفكر من خلالها بالشي يلي إسمو مخ .. حتى ما نكون مضحكة للناس و نخبص من الشرق للغرب با مضمون !

******

مازن .. موضوعك جداً مهم و قرأت معظم الردود المتباينة .. يا جماعة الحرب ما عمرها كانت لعبة أو قرار إعتباطي بنأخده بعيداً عن الحسابات .. هاي مغامرة كبيرة و نتائجها كارثية ..
السياسية الخارجية السورية بعتبرها و كتير ناس محللين و مفكرين بيعتبروها ناضجة جداً و بتجيد إستغلال الظروف و تجيرها لصالحها لتخدم نهجها و خططها ..
حزب الله مثلاً و الحلف الإستراتيجي معه و تكامل الأدوار ما بين سوريا و بين حزب الله من وجهة نظر كتير مفكرين إبداع سياسي يحسب لسوريا .. من خلاله عم تنغص على الكيان الصهيوني عيشته دون خسائر .. و بنفس الوقت ما عم يقدر الكيان يوجه جام غضبه لسوريا كردة فعل ممكن تصاحب اي تصرف عسكري لسوريا ضد الكيان ..

هلاء أنا بقرأ يلي صار من تلات أيام كالتالي و أرجو يا مازن أنو تناقشني فيه لو ما إقتنعت بالفكرة ..

معظم المحللين العسكرين أجمعوا على أنو ضربة إير ان لن تتجاوز نهاية السنة هاي لحسابات خاصة بالإدارة الأمريكية .. ضربة إيران سيأتي ردة فعل إيران عليها من خلال حزب الله على إعتبار أنو ملامس لحدود الكيان و بيستطيع فتح جبهة تغير معادلة الحرب و ممكن جداً هالشي بوجود صواريخ بعيدة المدى وصلت للحزب مؤخراً حسب ما تردد .

حسابات سوريا قائمة على أنو لو أنفرضت الحرب عليها لازم ترد بعنف و قوة لأن سقوط إيران و سقوط حزب الله يعني إنفراد الكيان الصهيوني بالمنطقة ..

الكيان الصهيوني حساباته تحيد سوريا عن الحرب قدر الإمكان حتى يتجنب فتح ثلاث جبهات بإعتبار أنو إيران راح توجه ضربة للكيان من خلال صواريخ بعيدة المدى .. حتى يحيد سوريا عن الحرب لازم يقدم ثمن سياسي لسوريا .. الثمن عبارة عن محادثات سلام قائمة على جدول زمني محدد .. سوريا إشترطت سقف لأي محادثات للسلام بتمثل بعودة الجولان كاملاً للسيادة السورية ..

هلاء في تجاذبات بهدا الموضوع .. الكيان الصهيوني بدو صفقة بأقل الخسائر مع سوريا .. سوريا عم تلعب بالأوراق بشكل أكنر من رائع و عم تستغل كل أوراقها لأنتزاع أكبر إنجاز ممكن ..

الإستفزاز يلي صار بدخول طائرات صهيونية للأجواء السورية هدقه الضغط على المستوى السياسي ليقبل بأقل عرض ممكن أو حتى يخفض سقف مطالبه ..

لذلك بعتقد أنو مو من المنطقي ولا من الحكمة الإنجرار لمتاهة الآن لا يعرف نتيجتها .. الحكمة بضبط النفس و بمحاولة الوصول لأعلى سقف ممكن دون خسائر .. في حالة أن كان السقف المطروح غير ملبي للطموحات .. بيكون الحل بالحرب لكن !
على أن تبدأ المعركة من جانب الكيان الصهيوني لأن ذلك سيكون له أهمية عسكرية و سياسية كبيرة جداً و حتى تكون الحرب على تلات محاور رئيسية أو لنقول أربعة محاور .. حزب الله و سوريا في الشمال .. ايران و المقاومة الفلسطينية المرتبطة مع سوريا بتحالفات إستراتيجية ..

بعتقد هاي الحكمة و بهيك سيناريو ممكن تتغير المنطقة و خرائطها السياسية .. و أفففففففففففف شو صاير أحكي كتير .

تحياتي مازن