[سارة$$$]

الحوار
هو:
حبيبتي انا حاطلب بيتزا عايزة حاجة؟
هي:
لا ياحبيبي
هو :
اوكي
هي:
ولا اقولك...؟
هو:
ها اطلب لك كمان؟
هي:
مش عارفة؟
هو:
مش عارفة اذا كنت عايزة ولا لآ؟
هي:
لا
هو :
انت جعانة؟
هي:
يعني
هو:
يعني ايه يعني...؟
هي :
يعني مش متأكدة اذا كنت جعانة ولا لآ.
هو :
الواحد لما يكون جعان بيعرف
هي:
لآ بس يمكن اجوع بعدين
هو:
يعني اطلب لك بيتزا؟
هي:
طيب اذا ماكنت جعانة وقتها..؟
هو:
ماتكليش
هي:
بس كده يبقى تبذير
هو:
خلاص.تبقي تاكليها بكرة
هي:
واذا ماكانش لي نفس اكل بيتزا بكرة؟
هو:
مش محتاجة نفس الواحد يمكن ياكل بيتزا كل يوم
هي:
لا انا ...ماكلش بيتزا الا لما يكون لي نفس للبيتزا
هو:
طيب بلاش .اطلب لك حاجة تانية؟
هي
لا انا مش عايزة حاجة تانية
هو :
يعني اطلب لك بيتزا
هي:
لآ
هو :
يعني مش عايزة حاجة ؟
هي:
لآ برضه
هو:
طيب جننتيني اعمل ايه؟
هي:
اطلب لنفسك
هو:
الحمد لله , اخيرا ...ماشي
هي:
بس اطلب البيتزا بالتونة
هو
نعم؟ انا مش بحب البيتزا بالتونة
هي :
انا بحبها بالتونة
هو:
وانت مالك؟ هو انا اللي حاكلها ولا انت
هي :
انت طبعا
هو:
واطلبها ليه بالتونة...؟
هي:
يمكن اجوع لما يوصل الأكل
هو:
وبعدين؟
هي:
ياسلام؟يعني تفنكر اكل حاجة مش عاجباني؟
هو:
ليه هو-انت-اصلا-عايزة تاكلي؟
هي :
ليه لآ؟
هو:
يامثبت العقل .....هوانا حاطلب بيتزا لي,عشان احتمال انتي تاكلي اذا كنت جعانة؟؟؟
هي:
بالضبط
هو:
وانا بلاش اكل؟
هي:
يمكن وقتها اكون مش جعانة


ملاحظة/
محكمة الجنايات قررت تبرئة الزوج من تهمة
(قتل الزوجة مع سبق الاصرار والترصد)
وتحويل التهمة الى.....
(قتل الزوجة دفاعا عن النفس)

م
ن
ق
و
ل