السلام عليكم
اول شي خليني رتب ثلاث مسلسلات حسب الزمن
المسلسلات هيه باب الحارة وليالي الصالحية وجرن الشاويش
اقدم شي ليالي الصالحية على اعتبار انو كان في مثلا محل خواريف بالحارة
بيجي بعده باب الحارة بتحس انو الحياة في يعني صارت احدث وارقى
واخر شي جرن الشاويش لانو على ايام الفرنسي وكان في ساعة وهيك يعني
هلأ بنفوت بموضوعنا :
بليالي الصالحية : انو المرأة كانت كتير تسمع كلمة زوجها وكأنو كلامو منزل وماكانت تسترجي ترفع صوتها بحضور زوجها
اما باب الحارة : فبنشوف انو المرأة بلشت تقوى شوي وصارت تتمرد شوي وصار يعلى صوتها
اما بجرن الجاويش فبنشوف انو المرأة صارت تجادل شوي تستخدم الحنكة وتحرد عبيت اهلها
اما بالمسلسلات الحديثة وطبعا هاد يلي بدي اصلو من اول شي
فبنشوف انو المرأة صارت اخبث من الخبث يعني شيطان بصورة امرأة
بجوز اتقولولي كلام مسلسلات بس صدقوني كلو من الواقع
يعني مثلا هلأ بعصرنا يا رجل البنات قوايا كتير والله شي بيخوف
انا بعرف انو اجمل ما في المرأة العربية ان لما بتطلع بوجا بيحمرو خدودها خجلا
اي هداك اليوم بالمكرو تطلعت ببنت تطليعة عادية جدا قام زورتني وقالتلي شبااااااااك شو مو عاجبك
وفضحتنا الله يفضحها
وطبعا الكلام غير معمم وما بينطبق على الكل بس انا عم احكي عن الاغلبية
وياريت تفيدوني برأيكن بركي بصحح فكرتي وانا مستعد لتقبل كل الآراء
أشهد ان لا اله الا الله ------------------------- محمد رسول الله
ادرس يا فتى وكن اميرا *************** ولا تكن مثلي فترعى الحميرا