موضوع رائع..وانا شخصيا من عرب ال 48 وبعرف منيح..نحنا في عنا نوع من التخبط بين العروبة والاسرائيلية يعني من جهة بدنا نكون عرب ونفتخر بعروبتنا (مع انو ما عاد شي يفتخر فيه
) ومن جهة تانية بدنا نرضى بالامر الواقع ونعيش ضمن الاطار الاسرائيلي ونطالب بحقوقنا وناخدها ..اما بالنسبة لانو البعض بشوف انو فلسطين هي بس غزة والقطاع فانا بقولك هالحكي كتير مزبوط للاسف في بعض من الاقلية الفلسطينية باسرائيل تبرأ من عروبته وفلسطينيته وافتخر باسرائيل وصهيونيتها!!!
ولاحكيلك بصراحة كمان هالاشي بسببلي اشكالية..يعني انا خلقت هون بمنطقة جميلة اسمها اسرائيل واجدادي فلسطينية..انو هل انا فلسطينية حقا؟ او اني اسرائيلية جذوري فلسطينية؟!! انو هل ارضى بكوني اسرائيلية؟ او هل اقول لا لازم تكون هالارض فلسطينية؟! وهل يا ترى ازا رجعت فلسطين رح تكون سياستها متل السياسات والحكومات العربية
يعني الوضع بغزة لا يبشر ابدا!!
اي انا نفسي مش عارفة افسر الاشكاليات والتخبطات اللي بمر فيها يوميا بالنسبة لهويتي!!
تحياتي
