وماان دخلت حتى بادرني خليفة بالحوار ...فأرسل لي :
(فيني خلايا تنزف الحزن والهم
وفيني طلاسم ماحدن قد قراها
فيني هموم تذرف دموعها دم
وأنت الحروف الباقية عن سواها
لك خافقي رحب وهلا وسلم
ولك العيون تعيش لأقصى مداها)
إمتلآت عيناي بالدموع وأنا أقرأ ماكتب !!.....ووجدتني أرد عليه !
(عفيه على قلبك وعفيه عليك
تبي الصراحه زين سويت فيني
مشكلتي اني على حبك ادمنت
وبكل بساطه قلتها ما تبيني
عفيه على قلبك وشكراً ولا هنت
تبي الحقيقه بيدي اعميت عيني)
بعد دقيقة رد علي :
(واعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه )
صمتت....لم أجد مااكتبه....كنت أقرأ وأنا ابكي .....وربما شعر هو بي...فخليفه أكثر إنسان قد يشعر بي وبحزني......وبعد فترة صمت إستمرت دقائق كتب لي؟
(تبكين ؟ اسمع صوت دموعج وأحسج مثل أول وأكثر ! أنا خليفه ياعمري ...أنا خليفة عمرج !)
لم أحتمل جملته الاخيرة ....خرجت......فصلت من النت كله ......
وماهي إلا دقائق حتى رن هاتفي ....انه خليفه .....لم أقاوم هذه المرة ....رفعت السماعة ....لم أتحدث
بادرني هو بسؤاله : وحشتك ؟
وبلا شعور وجدتنى أرد عليه : لا !
عيل ليش رديتي على التلفون ؟
عشان أخبرك اني إنخطبت !
بعد فترة صمت جاءنى صوته يشوبه القلق :
شنو يعني إنخطبتي ؟
يعنى بتزوج؟ يعنى بكون لواحد ثاني ...يعني خلاص كل إللى بينا انتهي ياخليفه !
تفاجات به يضحك بصوت مرتفع وهو يقول :بعد عمري ..تدرين انج ماتعرفين تكذبين؟
أنا ماأكذب انا أتكلم جد ...صدقني !
أصدقج؟ أصدق شنو ؟ أصدق إنج بتتزوجين غيري؟ أصدق إنج خلاص مو لي ؟ أصدق انج حكمتي علي بالموت ؟
أنا ماحكمت عليك بالموت ؟...إنت قتلتنى من زمان ....من اليوم إللى خذلتني فيه ...ورحت !
بس رجعت ...رجعت لاني ماقدرت أعيش من غيرك..ولاقدرت أعيش مع غيرك !
توقيت رجعتك غلط....رجعتك الحين راح تنسف كل حياتي...رجعتك الحين راح تتسبب بظلم إنسان ماله أي ذنب ..وكل ذنبه انه دخل من الباب...بالوقت إللى إنت هربت فيه من الشباك!
ليه إتكلمين عنه كانه امره يهمج؟
لانه فعلا أمره يهمني !
ناقص تقولين بعد انج تحبينه ؟
إيه أحبه ...أحبه فوق ماتتصور ....ولو ماأحبه ماوافقت عليه !
لالالالالالا...لاتذبحينى ...هنت عليج؟ انا خليفه ...خليفه إللى عمرج ماحبيتى ولاراح تحبين غيره!
كنت أحبك...بس من كثر ماعانيت من غيابك وفراقك....نسيتك قد ماحبيتك !
و........سمعته يصرخ قتلتينى ....قتلتيني....وأغلق الخط بوجهي !
لاأعلم لماذا قسوت عليه....لاأعلم لماذا نحرته بحديث لايمت للحقيقة بصلة ...فالحقيقة تقول اني مازلت أحبه ..وبجنوووووون!
أطفأت أنوار الغرفة ...وإستلقيت على سريري..وأغمضت عيني بقوة ....فلم أرغب فى الموت يوما...كرغبتي فيه الآن ...وإستسلمت لنوم أشبه بالموت...ورأيت فى منامي ( مريومة ) تبتسم لي ...ثم تختفي عني..وأحاول اللحاق بها ...وهي تبتعد ....وتبتعد...وأنا أسير خلفها ...حتى دخلت فى مكان مظلم موحش.
فاستيقظت من منامي مفزوعة ....والانقباض يخنق قلبي !
غيرت ملابسي....ضفرت شعري ...وضعت فى آخر الضفيرة ( فيونكة) حمراء....و.ارتديت (تي شيرت) أبيض....وجينزأزرق .....ونزلت إلى الطابق السفلي حيث عائلتي .
حاولت قدر إستطاعتي ان أنغمس فى أحاديثهم ....وأنسي كل ماتعرضت له من أحداث مؤلمة هذا اليوم....
سردت على والدتي حلمي بمريومه....صرخت بي ( لاتكملين......هذا أكيد من الشيطان...أعوذ بالله من الشيطان الرجيم ) ....قالتها ووجهها يتضخم بالرعب ....
بعد ان تناولت الغداء أخبرني والدي ان حمد هاتفه هذا اليوم ....وأتفق معه على ان يكون عقد القران ( الملكة) يوم الخميس القادم ......
|