اقتباس:
كاتب النص الأصلي : maged-syrian
عفواً !!!!!!!!
عطيني مثال على شخص معروف ببلدنا انتقد المسيحية وأهانها على وسائل الأعلام السورية المسموعة والمرئية !!!  ..
أنا الآن أكتشفت ان حضرتك لديك حقد دفين وبدك تاخد بثأرك بس مو عرفان شلون ... أنت واحد حاقد على كل شيء أسمه أسلامي ...
برجع وبقول مرة تانية
حقوق الانسان على العين والرأس والديمقراطية على العين والرأس
بس الأديان
خط أحمر .. ممنوع الاقتراب 
كمان مين حضرتك بلازغرة ومين هاد نبيل فياض ليحكم عالقبيسيات !! وشو بدكم فيهم انشالله يلبسوا مناشف وحرامات حدا الو عندهم شي!!!
زعجوك شي؟؟
اجبروا اختك المصون او امك المصونة على الالتزام بمبادئهم شي ؟؟؟
ولا السحاقيات افضل ؟؟؟
بدكم القبيسيات يصيروا سحاقيات يعني !! 
ولا شو بدكم بالظبط !!
انا مو ضد السحاقيات ولاني معهم وهنن احرار بافعالهم مابيهمني فخار يكسر بعضو
بس عيب عليكم وعلى نبيل فياض ينسى مساويء السحاقيات ويركض ورا مساويء القبيسيات مع العلم ان مساويء القبيسيات ان وجدت بتضل ارحم من مساويء السحاقيات
بالنهاية المفسد بالارض بيبان متل عين الشمس ومهما حاولتو الله راح يرد كيدكم بنحوركم ...
ماعم نطلب منكم شي غير بس تحلوا عن رب المتدينين والقبيسيات وتتركوهم يمارسوا عقائدهم وطقوسهم الدينية بكل حرية ولازم نحنا جميعاً قرارات الأمم المتحدة بأعطاء الانسان الحرية التامة بممارسة معتقداته الدينية وعدم انتقاد تلك المعتقدات من أجل الحفاظ على السلم وعدم إثارة النعرات الطائفية
واذا انتو خايفين من التأثيرات الجانبية لممارسة هؤلاء الاشخاص لطقوسهم الدينية ... فأنتم على غلط ولازم تحطوا بالحسبان أن الطقوس الجنسية لدى السحاقيات أهول وأخطر على المجتمع من الطقوس الدينية للقبيسيات .... |
شوف حبيبي
حبيت اعطيك من الاخر....
انا لست ثم لست ثم لست ثم لست ضد لا الحجاب ولا الحرامات ولا المناشف...
انا ضد اي نوع من التشدد الديني او الثقافة الدينية او التربية الدينية او التعليم الديني سواء مسيحي او مسلم
وانا ضد اي تجمع لمجموعة من الاشخاص بيجتمعو تحت اسم الدين سواء كانوا مسيحين او مسلمين
قولي اني انا بحيه لنبيل فياض, فهي تحية لشخص تجرأ ع نقد ما لم يجرأ سواه من نقده لانه ظاهرة دينية بيرتعب معظم الناس ينتقدوها حتى لو كانت غلط او بيشوفوها غلط لمجرد انهم خايفين من الخط الاحمر يللي انت رسمته...اما اسلوبه لنبيل فياض بالانتقاد فهو حر فيه...وانا ما قلت اني تبنيت اسلوب نبيل فياض او افكار نبيل فياض....وكمان انا بتحداك تقول انو انا بكل ردودي السابقة بهالموضوع ابديت نوع من تبني اسلوب نبيل فياض...او اراءه...انا كان اعتراضي بالبداية ع قمع الفكر...مين ما كان صاحبه...
اما رأيي عن القبيسيات فهو رأي سابق عندي من زمان...
وبعتقد انو نجتمع جميعا ع انو نبيل فياض رجل مثقف...ممكن البعض يحاول بعنجهية وبغباء يقول انو نبيل فياض والله مانو رجل مثقف لاسباب مختلفة بس هاد ما بيقدر يلغي انو مثقف....اما اذا تعدت حرية احد الاشخاص ما تراه انت انه خط احمر فهي مشكلتك عزيزي...مو مشكلته....
ورح قلك معلومة خفيفة وبسيطة....البعض ما خاف من نبيل فياض لانو نبيل فياض حكا باسلوب بئي عن القبيسيات او الاسلام..انما خافوا لانو لما بيبلش ناس يتخطو ويحكو وينتقدو الدين...بيبلش الاشخاص يللي بيستمدو سلطتهم من الدين يخافوا ع حالهم....
طبعا بقلك ليش عزيزي, لانو المنطق بيقول انو الشتائم او المسبات او الاللفاظ البذيئة ما بتأثر ع اي شي وما بتنتقص من قيمته...انما المهم هو الشخص يللي جايي منه وهل هو كتير بيهمنا او بيعنينا او كتير شخص الو تأثس ونفوذ حوالينا...يعني انت فيك تقلي اني انا طائفي من هون لبكرة بس هالشي ما بيأئر علي بنص ليرة لانو بالنهاية بيضل كلام....ونفس الشي الموضوع المذكور اعلاه
الناس ما خافت من كلمات نبيل فياض بحد ذاتها لانو ما في كلمة ممكن تنتقص من اي دين....بس الناس خافت انو هالكلمات جاية من شخص قد يكون الو تأثير ع بعض الناس يللي ممكن يتبنوا رأيه وتكبر حركة الرفض للقبيسياات والى ما هنالك...
وع الهامش وبما انك كنت ميّّال لشخصنة الموضوع واتهامي انو عندي حقد دفين ع اي شي اسلامي فانا بطلب منك تسأل الناس يللي بيعرفوني باخوية اذا كان هالشي صحيح وبتحداك تجيلي اي كلام قلته باي يوم من الايام بيتطاول ع اي دين من الاديان....
انا ببساطة ضد كل مظهر اجتماعي ذو رداء ديني...مسيحي مسلم يهودي....يللي بدو يكون مؤمن...ما خدا كامشوه بس انا ما بقبل انو تدينه ياخد شكل حركة اجتماعية معينة....بالنهاية كلنا بنتذكر كيف بلشت حركة الاخوان المسلمين....وكيف انتهت...
التدين والتشدد يولد تطرف ووالتطرف يولد تطرف معاكس والاثنان بيوصلو لمرحلة توليد العنف...
وصلت الفكرة حبيب؟؟
نقطة.