حبيبي بدو القمر
كانت تحبه بجنون طفلة ...وبجموح السراب ... عشقت فيه كل شئ ولكنه ساومها على حبه ... وهل بالحب مساومة؟؟؟ هكذا قيل لها ولكن مرآة الحب عمياء ... رفضت كل الحلول .... وخضعت لمساومته ... ماذا تريد حبيبي؟؟؟ أجاب : بدي القمر.
غابت فوق السطوح ايام وليالي كانت بتراقبو دايم دوم وسهرت ليالي طوال ناطره اكتمالو ... ما نامت ولا غمضلها جفن ... ولما اجا يوم اكتمالو بقيت سهرانة على السطوح وقالولها عالفجريات رح يكون قريب ورح تقدري تجيبيه لحبيبك
غفت عيوناتها اللي ما داقوا النوم وحكت لحالها اكيد رح اصحى عالفجريات...
ويا حرام طلعت الشمس وبعدها لحبيبتو نايمة وراح القمر وحبيبي بدو القمر...
حبيبي بدو القمر و القمر بعيد
و السما عالية ما بتطالا الأيد
طلعت على السطح دلو علي الناس
قالوا مدري شو بها و خبروا الحراس
قلتلن بدي القمر قالوا القمر غالي
حقو عشر ليالي عشر ليالي سهر
و إلي عشر ليالي عالسطح سهرانه
و حاسة بحالي تعبانه و نعسانه
خايفة لأنام و ينزل القمر
و يلاقيني غافية و تسرقو جارتنا يللي مزاعلتنا
و تعطيه لحبيبي و يحبا حبيبي و أنا صير غريبة
مشاركة صغيرة بس خطرت ببالي مو كتير حلوة بس عفوية
