شكرا لك الدنجل على التفسييير
الحلم التاني كان من شي اسبوعين :
حلمت انو انا في بيت خالتي وبالتحديد في المطبخ (لكن الموقع في الواقع(في الحياة الدنيا هو غرفة اخ الاء المتوفى ) وكنا انا وبنت خالتي معا في البيت والكل خرج منه وكانت هي تورجيني مشغل الاغاني الجديد اللي احضرلها ياه ابوها من امريكا وعم نسمع عليه اعنية اجنبية وفجأة قلتلها الاء احنا سكرنا الباب ورحت لحتى اشوف الباب ازا اتسكر او لأ ؟. لقيتو مفتوح فطّلعت على الاء وقلتلها الاء الباب مفتوح وبلحظة اللي كانت الاء عم اطلع سكين دخل شخص ( وهو على شكل شخص متوفي وهذا الشخص هو اخ الاء المتوفي) فالأء من الفرحة انو لمّا شافتو فرحت فأجيت انا صرخت عليها وقلتلها لأ هاد مو اخوكي هاد جن (بسم الله ) وصرت احكليلو (بسم الله) اكتر من مرة وكل مرة بحكيلو فيها بسم الله يرجع مسافة صغيرة بعيدة عني لحتى وصل الباب الخارجي للمنزل صارت كلمة بسم الله ما بتأثر عليه وصار يقرب مني فصرت اقرأ المعوذات وكانت المسافة اللي تبعده فيها عني اكبر من مسافة لمّا كنت اقرأ بسم الله .المهم بعد ما وصل لنص المسافة تبعت الحديقة الخارجية بطلت تأثر فيه المعوذات فجأة طلعت بنت خالتي التانية وحكتلي استني لحتى اروح اتوضأ وارجع اقرأ معك قرآن عشان نطرده قلتها بس بسرعة .المهم بعد ما خلصت حكي مع بنت خالتي التانية اطلعت على الجني لقيتو وصل لبيت جيرانهم فاستغل الفرصة ورجع فصرت اقرأ عليه اول آيات البقرة (علما بأني مو حافظيتهوم في الحياة الدنيا) وحتى انا بالحلم استغربت كيف انا حافظيتهون وصارت بتطلع معي الآيات لحتى طلعت بنت خالتي التانية ولابسة لبس الصلاة وحاملة معها القرأن وكان منظرها بيفرح وصرنا نقرأ انا وياها مع بعض ونعلي صوتنا اكتر واكتر لحتى طردناهم من الباب الخارجي للحديقة وبعدين كملنا قرائة وطلعناهم على شارع كأنو رئيسي لانو فيه سيارات (بس ما شفنا السيارات شفنا الاضواء لانو الحلم جرت احداثة في الليل) وصار يرجع للخلف وانتهى الحلم على ذلك وطول ما انا كنت بقرأ قرآن وحتى النهاية كانت الاء واختي واقفات عند الباب بلا حراك كانو بس مستغربات
بعرف انو طويل بس والله حابة اعرف التفسير
