[Nirvana]

كاتب النص الأصلي : yass

حاكم طق مخي من مواضيع الاخوان حابب أطرح موديل مو جديد انما مجدّد لتنظيم الأفكار قليلا, هذا الموديل يعتمد على طرح مجموعة من الأسئلة مع ترك مساحة لسرد فكرة غير موجودة في الأسئلة. و هكذا نرتب أفكارنا قليلا... يمكننا التجربة في هذا الموضوع و في حال نجاحه نستطيع تكرار الفكرة.

الموضوع هو: الصراع العربي الاسرائيلي: نظرة شاملة. سنحاول طرح هذا الموضوع من جميع مفاصله و جبهاته, و ما لا يذكر في الأسئلة يمكن طرحه كذلك بعد الانتهاء منها.

فلسطين:

1- هل أنت موافق على طريقة عمل الفصائل الفلسطينية ككل أو أحدها؟ لا
2- ما هو رأيك بالصراع بين الفصائل الفلسطينية؟ شيء مخزي جداً وعم يضيع القضية الفلسطينية أكتر ماهيي ضايعة
3- هل تعتبر المقاومة المسلحة هي الطريق الوحيد للتحرير. و في حال الايجاب: ما هو شكل هذه المقاومة؟
لا ليست هي الطريق الوحيد للتحرير (برأيي أي حرب أو نزاع في الدنيا يكون فيه القوة العسكرية تترافق معها طاولة المفاوضات والحوار) وأرى انو هالطريقة بتنطبق هون وبأي وقت وزمان .
4- هل تعتبر أن الحل السلمي ممكن بطريقة ما؟ أعتقد بانو لما يكون في اطراف غير متكافئة في النزاع ولما تكون القوة والدعم كلو بجانب احد الأطراف واللي هيي هون اسرائيل رح يكون الحل السلمي جائر على الطرف الآخر واللي هوي فلسطين .. ورح يتم التنازل عن الكثير متل ما حصل ورح يحصل ..
كما انو ضمن الظروف الحالية وخصوصا الفصائل الفلسطينية التي تعمل من مطلق ديني على الخصوص رح تضل في نوع من المقاومة المسلحة هنا وهناك حتى ولو تم هالحل ..
5- هل تعتقد أنه يمكن المفاوضة على القدس؟ شئنا أم أبينا .. القدس اصبحت بيد اسرائيل ... وما ظنيت يصير غير هيك .. للأسف .
6- احكيلنا شو ناقص من الأسئلة
ما خاطر عبالي شي .. يمكن بعد ما خلص من الردود ..
سوريا

1- هل تعتبر أن السياسة السوريّة تجاه العدو الاسرائيلي صحيحة؟ بالشكل العام ايه .. بس فعلياً هي متجمدة ..
2- هل أن تعتبر دعم الفصائل الفلسطينية خطوة جيدة؟ (لا يشمل هذا السؤال حزب الله) لا طول ما هني داقين ببعض على الأقل ..
3- هل تعتبر أن سياسة سوريا تجاه حزب الله صحيحة؟ مممممم .. مو من كل النواحي .. لكن حزب الله يشكل درع حماية بشكل من الأشكال لسوريا ..
4- هل من الممكن المفاوضة على الجولان أم أنه خط أحمر؟ لازم يكون خط أحمر .. لكن بمرحلة ما، رح يتم التفاوض للأسف .
5- ماذا يمكن أن تقول على اصرار سوريا على تلازم المسارات؟ ها
6- هل تعتقد بامكانية الحل السلمي بين سوريا و اسرائيل؟ تحصيل حاصل .. حتى ولو بعد نزاع مسلح.
7- هل تعتقد أن الحرب السورية الاسرائيلية ممكنة على المدى القريب؟ ما شكلها؟ و ما نتائجها المحتملة؟
ما عم اقدر اتخيل هالشي .. فما رح اقدر جاوب هلا متل العالم .. لكن كل شي جائز ضمن اعتبارات ومصالح القوة .. احيانا بقول ايه .. احيانا بقول لا .. بشار ما رح يدخل حرب مع اسرائيل .. نتائجها بدي اكزب عحالي وقول تقهقر اسرائيل بس مو قادرة .. للاسف نتائجها ما رح تكون بصالح سوريا .. اذا صارت .
8- احكيلنا يابا
بعدين
لبنان

1- هل تعتقد أن دخول حزب الله في العملية السياسية اللبنانية رغم احتفاظه بسلاحه و علاقته الخارجية هو خطوة صحيحة؟ بالنهاية هوي حزب لبناني ... هيك المنطق بقول .. وسلاحه له ايجابيات متل ما الو سلبيات .. ما بعرف لبنان شو بدو .. بس واضح انو الشعب اللبناني بدو السلام المزعوم مع اسرائيل وعلى هالاساس سلاح حزب الله بشكل تهديد لهالسلام.
2- هل تعتقد أنه بامكان لبنان الوصول الى سلام مع اسرائيل بمفرده؟ ما بعرف ليش.. بس حاسه ايه اذا قصدك بمفرده عن الدول العربية أما الدول الأوروبية والامريكية فواضح تدخلهم بموضوع لبنان من هلا .
3- هل تعتقد بامكانية تكرار حرب تموز الماضية؟ و ما هي نتائجها في حال حدوثها؟ بشك وما بظن هيك شي يصير.. وبظن انو اي نزاعات مستقبلية في لبنان رح تكون داخلية فقط وسياسية .
4- احكيلنا يابا
كمان بعدين
بشكل عام

1- هل تعتقد أن الجهات العربية في الصراع تدير الحرب الاعلامية بشكل صحيح؟ ما بيعرفو الخمسة من الطمسة لا الجهات العربية ولا الاعلام العربي .. لا على الاطلاق ..
2- هل تعتقد بوجوب البحث عن مصادر دعم اعلامي في الخارج؟ ايه ممكن .. لانو نحنا ما عم نقدر نعمل شي .. ليش ما نعبئ الرأي العام اللي برا ونشرح قضيتنا ..بلكي هني بيقدر يعملو شي
3- احكيلنا
بعديييييييييييييييين

عن نفسي ..
أكثر من شكرا على الموضوع وعلى طريقة الطرح ويا ريت دائما يكون في هيك مواضيع وهيك طرح ..

وبما اني ما بفهم بالسياسة الا اني حاولت جاوب ...