اقتباس:
كاتب النص الأصلي : oskarelarab
خلوني اول شي قول انه هالقصة نصف واقعية لانه مغير فيها اسماء و اماكن حرصا على سمعة صاحبة القصة
فرح بنت من لبنان من منطقة طرابلس و بالتحديد شارع بيقولولوا شارع العشاق عمرها 22 سنة حلوة بس فقيرة و كتير فرح عايشة لوحدها مع امها العميا ء و ما الهم مدخول الا من الناس يلي بتتصدق عليهم (اهل الخير )يلي بشارع فرح
و بليلة قررت فرح تغير حياتها لانها زهقت من وضعها كتير و ما بقى فيها تتحمل حسنة الناس عليها و امها على فكرة ما بتخليها تشتغل لانها بتخاف عليها من انه حدا يطمع فيها لانه جمالها كتير و جسمها مغري كتير و تعرضت لمضايقات كتير من اولاد المنطقة
فرح كانت تحكي على الانترنت (احدى صديقاتها المقربين علمتها )
و كانت كتير تتمادى بالكلام مع الشباب حتى اصبح ايميلها مشهور و صديقتها كانت دوما تنصحها انه بللالها هالطريقة لانها بتعملها مشاكل و كانت تجاوبها انها عم تنتقم من كل شب لانهم كانوا يضايقوها
و عفوا منكمل مرة تانية لاني انشغلت شوي
(فرح معي اون لاين و مافيني اتاخر عليها)  |
منكمل القصة من لما كانت المظلومة عم تفكر تغير حياتها و قررت تعمل شي يغيرلها حياتها
و القرار كان انها تتعرف على الشاب المخدوع (الاسم معدل حتى ما حدا يزعل)و المخدوع ابن تاجر ادوات كهربائية كبير بالبلد و هو شب حلو و ظريف و مهذب بس مشكلته الوحيدة الخجل من البنات كتير و كانت المظلومة تلفتله نظره كتير بس ما كان يفكر فيها المهم فرح قالت لحالها انها اذا قدرت توقعه بشباكها
ممكن من خلاله توصل للهدف الي بدها ياه
و كانت افضل طريقة الها انها تحكي معه عن الانترنت و بالمسنجر تحديدا و كان الامر هين انها تعرف عنوان ايميله من رفقاته و كان المخدوع عنده صديق مقرب اله متل ما المظلومة عندها رفيقة قريبة الها و كان المخدوع يوثق بصاحبه كتير لدرجة انه حتى تيابه كان يلبسها على ذوق رفيقه بس صاحبه كان يستغل هالثقة بطرق خبيثة و للوصول لجيبةت المخدوع
و يقول لقاء بين المخدوع و المظلومة على الانترنت كان الحديث التالي
المظلومة :هاي
المخدوع:اهلا هاي
المظلومة:انت (فلان)ابن السيد......
المخدوع:ايه من وين بتعرفني
المظلومة:انا مش شب انا بنت عم احكي معك بس ايميلي باسم شب لاني ما بحب حدا يضايقني(اليميل عملته خصوصا لتحكي معه)
المخدوع:مش مشكلة انا اسف بس انت من منطقتنا
المظلومة :لا بس عندي رفيقة ساكنة بمنطقتكم(كذبة)
المخدوع:ممكن اعرف رفيقتك او فيها ازعاج
المظلومة: اكيد لا لانها ما بترضى
المخدوع:اوكى بس ممكن اعرف مين معي (و هون كان صاحبه دخل عليه غرفته و قعد جنبه و سئله شو مع مين عم تحكي) رد المخدوع ما بعرفها بنت ضافتني عندها و عم تحكيني قام قله شوووووو بنت اوف من ايمتى بتحكي بنات اون لاين رد المخدوع انا ما حكيتها هي ضافتني قال عندها رفيقة بمنطقتنا بتعرفني قاله صاحبه قوم هيك بعد خليني حكيها لاعرف مين هاي و شو بدها
و عفوا منكم منكمل بعدين لانه الكونكشن انقطع متل العادة بيناتهم و هي حال الانترنت بلبنان با.... الاوقات بينقطع باي
أوسكار العربoskarelarab