[quote=maroun;827864]
اقتباس:
كاتب النص الأصلي : yass
عم نحكي عن بدايات الثمانينات.. الانتخاب اللي تم تحت حماية الحراب السورية كان اعادة انتخاب فرنجية بال 76 أو 77 ماني متذكر. و ما حدا قال انو لازم تصير بالوقت الراهن. أيامها مجلس النواب كان بالشرقية و الشرقية تحت سيطرة القوات اللبنانية و بيروت الغربية اللي كان فيها كل ما تبقى (تقدمي اشتراكي, شيوعي, أمل....الخ) كانت محاصرة بشكل تام من قبل اسرائيل يعني بنوب مو صعبة[/quote
لنسلم ان كلامك صحيح فسؤالي هو التالي انت عارف ان الحراب السورية المتسلطة جابت اكتر من رئيس من فرنجية......نهايتاً بـ لحود. طيب سؤالي اذا لاحظت سترى ان كل رئيس لم يتم انتخابه و الموافقة عليه من سوريا تم اغتياله. يعني بشير الجمييل, معوض و هناك رئيس كمان طاير اسمو عن بالي. خاصة ان الاغتيالات تتم بعد اسبوع او تلاتي على الاكثر, بما يعني ان المصلحة الوحيدة من وراء الاغتيال هي سورية طيب الهراوي قعد من دون اي مشاكل و من بعدو لحود و ما حدا اغتالون طيب ألا يعني هذا ان النفوذ السوري هو الاكبر و خاصة ان اغتيال بشير جاء بعد اسبوعين؟ يعني بعبارة اخرى ليش اللي بدون ياه سوريا يبقى و الاخرين يقتلون؟؟؟ بعدين اذا اسرائيل امنت انتخاب بشير فهل اسرائيل من امن انتخاب معوض؟؟ و انت تقول ان امين تم انتخابه من قبل اسرائيل ليوقع على اتفاق, فلماذا لم يغتالوه من اغتالو اخاه و اللي بعدون؟؟؟؟
|
طبيعي هالكلام... طبعا النفوذ الأكبر لسوريا. ما بعرف اذا قصدك اللي بالنص الياس سركيس بس هاد ما غتالوه.. ما عم بنكر التدخل السوري الشديد بلبنان.. و هالتدخل كان بأحيان كثيرة يتم بتنسيق مع الولايات المتحدة.
بالنسبة لأمين. أمين سياسيا مش نافع, اسمو جميّل فقط, و لو في غيرو بهديك اللحظة كان حطوه .. و أمين وقع مع اسرائيل بعدين وعد سوريا بالتراجع عن الاتفاق مقابل اجراءات معينة . و سوريا حمت أمين الجميّل كما حمت بعدو ايلي حبيقة. و دليل أنو أمين مش نافع أنو ما قدر حتى انو جوز اختو فؤاد أبو ناضر يصير قائد القوات اللبنانية.. اجا سمير جعجع و ايلي حبيقة و خدعوه لأمين خدعة المبتدئ
ما عندي شك انو سورية اغتالت بشير... كل ما هنالك أنو أنا متأكد انو كان في غض نظر من قبل اسرائيل لأنو اعتبرت أنو بشير ورطها بلبنان مقابل لا شيء... يعني لو اسرائيل بدها تحميه كان حمتو بس بشير كان مخيب أملها من ناحية أنو رفض يكون دمية و ما شاف النتيجة. و اغتيال بشير جميّل كان نهاية مرحلة من الحرب بديت بعدها مرحلة جديدة و هي حرب الكتائب الداخلية و النزاعات بين ميليشيات الطرف الآخر بين بعضها