هالله هالله ع الجد و الجد هالله هالله عليه
لعمى شلون طلعت معك هي الخبيصة ما بعرف بس رح رد عليك يا ميكاريزمي
اقتباس:
|
أذا أنا عطيت مثال ...فأنا كمان عطيت مثالين :
|
شو الشغلة بالعدد قلنالك المثال من عندك يا استاز
اقتباس:
بس بالنسبة :
اقتباس:
موضوع الام المسيح
أنا نزلتوا بعد ما لاحظت شلة جديدة ظهرت
اقتباس:
jesus i trust in you
و كانت وجهة نظري نفتح نقاش معكون
|
و ليش عم تحكي بالالغاز ..... يللي بدو يفتح نقاش بناء ما بيلف و بيدور
بعدين .... انت لاحظت شي انو هدول الناس يللي حاطين هاد التوقيع ما بيتدخلوا بحوار الاديان؟؟؟ اكيد لأ
مين يللي عم يرفض الآخر هلأ؟؟؟؟؟ و شو هوي نقاشك يللي بدك تفتحو معنا؟؟؟ ليش شو نحنا مو احرار نعتأد كيف ما بدنا؟
بعدين توقيع و حطيناه شو كان لازم نستأزنك استاذ ؟؟؟؟
الحكي معي ما لك دعوى بغيري ، ليش عم تحشرهم ؟
اقتباس:
كان فيك بك بساطة تحط رأيك ؟؟( يلي حاطوا فوق )
بس أنت ما حبيت يصير نقاش بالموضوع !
مع أنو نحنا هون منبر حر تفاعلي ...مع ماءات البوتاسيوم؟!
|
رح حطلك رأيي هون
و مشان التسهيل لأنو ما عم تنهضم معي انو قارن بين اله و بين بشر رح اعتبر المسيح بني ادم .... منيح
هلأ
المسيح ابتدع فكرة و عقيدة ..... اما صاحبك متلك عمل كوبي بيست ع افكارو
المسيح استشهد (على اعتبار انو بشري و مات دفاعا عن فكرة) ..... صاحبك بعدو عايش
المسيح دعوتو عالمية ...... صاحبك ساعة قومي عروبي و ساعة شيوعي و ما عرفان الله وين حاططو
المسيح اختار اتباعو بعناية و حصرهم ب 12 شخص....... صاحبك مش من مبدأ " مين ما اتزوز امي بقلو عمي"
كل المصادر كلها من دون استثناء بتأكد انو المسيح شخص <<شبه >> كامل (على اعتبار انو بشري) و بألعن ظروفو كان نبي ...... صاحبك 90 % من السوريين مكفرينو و برات سوريا ما حدا دريان فيه
لا كتير بيحألك تحكي
اقتباس:
|
طبعاً يلي عجبوا الموضوع ...وجد الكلام وافي فما حب يرد ( حسب وجه نظري (...و أنتظر واحد من -شلتك- ليقول هيك كلام -أنا منهم - بس ما حدا رد ....مو مشكلة عادي كتير
|
هي افتراضات (عم قول افتراضات لحتى كون مؤدب ما قول هذيان) من عندك
شو دليلك انو هيك الناس انقسمت
بس انت لأنك رافض الآخر بتشوف الناس هيك
اقتباس:
هلق منشان "موضوع الرسائل الخاصة ":
يعني كان ألك تجربة شخصية بالموضوع ....رسائل تهديد ...كنت كاتب عنها
و كان فيك تحط وجه مظرك ...- طبعاً أنا ما عم لومك لانك ما حطيت تعليقك ...عادي و معذور -
|
طيب انو طالما عذرتني و فهمت آخر شي ليش عم ترجع تعيد الحكي ؟؟؟؟؟ و اللا بس بدنا نكبس ع الكيبورد بطعمة و بلا طعمة
اقتباس:
كمان شغلة منشان طول المواضيع ...هلق متل موضوع :
الرسائل الخاصة .....أخدت الموضوع و عدلت عليه و نقحتوا و مدري شو - يعني تعذبت فيه -
مو قص لصق
|
ما لاحظت انو هاد من اكتر مواضيعك يللي صار عليها نقاش؟.؟؟؟ معناتا لما منكتب شي و منتعب عليه منلاقي تعبنا بالاخير
اقتباس:
منشان المواضيع يلي بنزلها عادة :
أنا برأيي انو الشباب و أنا منهم مقيمين بالاخوية ...يعني لا عم نطلع و لا عم نفوت لغير مواقع ألا في ما ندر
ف بس أقرأ شغلة عجبتني بحب خلي الشباب يقروها كمان معي .....- الظاهر ما عجبك ه الحكي -
|
صرت شارح هالقصة كذا مرة .... بس تكرم برجع بشرحا مرة كمان
اغلب المواضيع يللي بتقراها برا منقدر نفوت عليها نحنا لأنو ما عم تجيب شي من مواقع غريبة
و الدليل انو احسن موضوع من هالمواضيع صار عليه خمس او ست ردود بس و اذا اكتر بتكون تحيات لحمصي او خناءة مع ابو النسيم
اقتباس:
هلئ الملاحظة يلي بدي أحكي عنها :
هي رفض الاخر ....( اي نعم رفض الاخر )
لما نزلت موضوع الحجاب كان الموضوع يحتوي على ...ماءات البوتاسيوم ...أقصدي تفاعل من أصل الموضوع
طبعاً بما أنو عم يحكي عن الطرف الاخر فأنت طبلت و زمرت ...و هاد الموضوع المهم ومدري شو
|
اي شريك من الاول بقها خلينا نصفي كل شي هون لا تخلي شي بقلبك معبا مني
هيك طلع معك
طيب شوف المواضيع يللي رادد عليها
حتلاقي انو كل المواضيع رادد عليها ما عدا يللي بلاقي انو ردي رح يتكرر فيه
بس والله طلع ع لساني شعر من قصص المعارضة و الموالاة يعني صارت روتين يومي ممقوت
اما هاد موضوع جديد و حلو
انا ما تهجمت ع الحجاب هي حرية اعتقاد .... انا تهجمت ع الظاهرة يللي انت (باعتبارك بتتبنى المواضيع يللي بتنسخا و بتلزقا) انتبهت عليها و نسخت و لزقت مقالتين عنها على اعتبار انها ظاهرة غريبة عن الشارع السوري
ايمت كنا نسمع موشحات دينية بالتكسي؟؟؟؟ بعمرك فتت ع بيت مسيحي لقيتو حاطط تراتيل غير ازا كان في مناسبة او عيد؟؟؟؟
انو شو لزوم الموشحات الدينية مثلا؟؟؟
بعدين بزمتك بزمتك تعليقات <<بنات الجامعة>> هي كانت تعليقات؟؟؟؟؟؟؟
اقتباس:
غريبة !!!
ما فكرت أنو في حدا يمكن يرد بأنوا هاد موضوع الحجاب موضوع
اقتباس:
ما بقدر فكر فيه غير بعاطفتي مو بعألي
|
لا والله تفكيري كان قاصر اني ساوي شقفة قماشة بتعادل شخصية مقدسة .... بعتذر كتير
برجع بكرر هجومي كان ع الظاهرة و ليس ع الحجاب
هاجمت تعليقات البنات و اعطيت رأيي بكل حرية
اقتباس:
أو اقتباس:
بعدين انو كيف عم تقارن شخص ......" محمد "
مو ضروري تكون المحجبة مو علمانية " أل بنات جامعة أل "
|
بيصير ... هلأ انا كنت كاتب المسيح بس بتنطبأ على " محمد " و بتضل فكرتي متل ما هيي
ليك شغلة انت عم تعمم ع لساني
و عم تنسخ من محلات و تلزق بمحلات ع لساني
و عم تحرف كلامي
هي اساليب خسيسة و رخيصة ... يعني الظاهر انك متقصد تشوه صورتي ، بس نجوم السما اقربلك
هلأ انا ماعممت
انا هاجمت الظاهرة يللي انت هاجمتها ( و هلأ فجأة صرت عم تدافع عنها، عندك ميزان حرارة؟)
و رديت ع الصبية يللي حكيت و ما عممت
طبعا في كتير محجبات علمانيات
بس انت لاحظت انو ردودها كلها كانت عن نظرة العالم لألها بعد ما تحجبت .... يعني ما اهتمت تتحجب لأنو هي قناعة
اهتمت تتحجب لحتى ترتاح من الناس
و هاد يللي هاجمتو انا
اقتباس:
على ما يبدو المواضيع يلي بتستهويك هي مواضيع الهجوم ع الاخر بس
متل : تعلم لغة الارهاب
يلي كمان طبلت و زمرت ...لما شفتوا و بلشت أهداءات
|
ها ها ... هون اي معك حأ انا مو بس بهاجم و بهدي و برفض انا كمان بحارب بكل طاقتي
هدول ناس كفروا الكل (يعني اشتغلوا الله)
شوهوا الدين الاسلامي (يللي انا بعرفو اكتر منهم)
دمروا التعايش المسيحي المسلم (يللي تميزت فيه سوريا قبل ما يجوا هنين و السبب يللي خلءهم << البعث>>)
قتلوا الابرياء باسم الدين (و الدين منهم براء)
الله يلعنهم ..... و يشد ع ايد كل مين بيحاربهم .... سواء كان بوش او المخابرات السورية (يللي هنين خصومي) و الله يقويه لبلير و يمسكهم
بعدين شغلة استاز "ستاتيكي " موضوع الساعة حالياً هوي تفجيرات لندن يعني شي طبيعي اني احكي فيه اكتر من غيرو
لأ وخصوص انو انت يللي مستلم هي القضية حاليا
طيب عال
هلأ شو هوي العلماني؟
العلماني هوي يللي بيفسر الظواهر ع اساس ردها للعلوم
بتحداك "ستاتيكي " انك تلاقي رد واحد لالي نسبت فيه ظاهرة معينة ع اساس انو عجيبة من الله
بتحداك انك تلاقي قانون واحد قبلتو لمجرد انو مزكور بشي شريعة الهية
اخي كرمال الله عريف معاني الكلمات قبل ما تزتها يمين و شمال
اي يالله روح نسنس و نكوش ردود و لزقها ببعضها لتزبطلك شي تهمة باطلة
اقتباس:
بظن أنو مو من حقك أبداً توجه ملاحظة عدم متابعة المواضيع ...و الرد بشكل تفاعلي ميكاريزمي ...ستاتيكي ! ألي!
أنا بتابع كلشي
|
ههههه
وين بأنو محل يعني خوش ما عم يطلعوا بالمنبر
اقتباس:
|
بس بعطي فرصة لغيري لحتى ياخد نفس ...و يرد على مهلوا
|
كبير و كتير كمان
بس انو ليش ما عم تعطيني فرصة هون ؟؟؟؟؟
اقتباس:
في شغلة تانية .....المنبر صاير مرضان على ما يبدو أنو مرشح
و كل ما بنعطيه فيتامينات ...ما بيعجبكم
|
هلأ هاد موضوع مستقل بزاتو يا ريت تفتحو لوحدو لنتناقش بلكي منلاقي الدوا (حكي جد لأنو انا كمان هيك حاسس)
بكل الاحوال
الادارة عم تبحس شوية حلول جذرية من شأنها تحل كل المشاكل
اقتباس:
|
بنتظر للآخير منشان ما خرب تفاعل حمض الحرية !
|
كمان كبير
ابو طريق هلأ نحنا عم نتخانق بس ياريت يكون عألك كبير و تنتبه انو رفأتنا ما لازم تتأثر
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you