[محمد ابراهيم]

كاتب النص الأصلي : كهربجي

لهيك كنت معترض على الموضوع, لأنو مو شاطرين غير بأنو يابا تعوا استثمروا.. طيب شو نوعية الاستثمارات؟ يمكن 90% منها فنادق ومطاعم وشركات خدمية.. مافي صناعات ولا زراعة ولا أي من الإستثمارات اللي لازم تدعم اقتصاد البلد, هاد الفرق بين المستثمر السوري برا والأجنبي بسوريا, السوري بس بدو يستثمر بشي مفيد للبلد ربحو طبيعي وكمان بدو يدفع للسوريين اللي بيشاركوه على المصاري والربح بأسلوب مافيا معروف للكل صار.. إي ما رح توفي معو وبيروح بيفتح معمل بالصين..

بينما الأجنبي أو السوري اللي بدو يعمل شي سريع الربح ودائماً غير مفيد للإقتصاد الوطني بيكون معو يدفع للكل, متل شركات الإتصالات والفيلل تبع الإماراتية.. طيب شو وصل للمواطن السوري من هاد؟؟

عندك حق مارح اقدر اناقشك بهالنقطة .
بس لازم العالم تفهم انو هاد عيب بالتطبيق وماهو عيب بالنظرية او بالفكرة ...

بمعنى اخر , حيث انو المخططين (المسئولين الاقتصاديين) ماقدرو يحددوا احتياجات قطاعات الدولة لو اخطاو او ارتشو او اهملو او اصلا ما عندون فكرة عن التطبيق(فكل هاد ما بيعيب بالفكرة او النظرية) وانما بيعيب في التطبيق..
بالنسبة لموضوع الرشاوي هاد فعلا واقع ومشكلة اللي بيدفع رشاوي دايما هو النصاب او اللي بدو يحتال عالقانون سواء جاي يحقق ربح سريع مندون مايخدم الاقتصاد او لاء ..
اما عن الاستثمار الزراعي (للاسف هاد بيحقق ارباح قليلة عن اي مشاريع تانية) لهالسب بيحجم عنو المسثمرين (مافي حل ادام الحكومة غير تقديم تسهيلات للمستثمرين متل اعفاءات ضريبية مؤقتة او اراض باسعار منخفة او تسهيلات في السداد او ماشابه)
على اي حال الكرة بملعب الحكومة
بالنسبة للاسثمار الخدمي وبيندرج تحت منو الفنادق والقطاع السياحي والمواصلات والاتصالات والانترنت والخدمات البنكية والعلاج والاستشارات بكافة انواعها ,اعني بكل ذلك فرض بعض الامثلة ,فهي تمثل النسبة الاكبر من الدخل القومي او الناتج القومي لاي دولة متقدمة (اميركا بكل عظمتها الصناعية هي كذلك ) وكلما تقدمت الدولة زاد فيها اسهام الخدمات للناتج القومي عن اسهام السلع الملموسة للناتج القومي.
الخدمات ليست عيب ابدا (فهماك خدمات مؤثرة جدا وحيوية) تخيل ان الكهرباء قطعت عنك ؟ او حراة تليفونك الارضي او شبكة موبايلك ؟؟.

*نبيل ردك طويل مارح ارد عليه منشان هيك صحيح يامعلم انا كنت شاكك انو البارد كولا (ليش راح مخك لبعيد ). ان شاء الله برد عليه بعدين لانو مافي وقت ولازم انام منشان افيق بكير (وهلاء الوقت اتاخر جدا)