أخوية - عرض مشاركة واحدة

**TheLight** · 20/01/2008

اقتباس:

كاتب النص الأصلي : phoenixbird

حسان هون ؟ اي نورت كيفك حكيم ؟

ياسين عود عاقل بلا مخططات هلأ
بس تجاوب على سؤال الحج ياسين جاوبلي هون

لوكنت مكان صدام حسين شو كنت ممكن تعمل
الاستفادة من الموارد المادية للعراق لتطوير علميا واجتماعيا واقتصاديا...
عدم التورط بالحرب العراقية الايرانية أو بغزو الكويت....
أعطاء الاكراد مساحة سياسية....

لو كنت مكان ميشيل عون شو ممكن تعمل
عملت يللي عملو وما غيرت فيه شي...عندي قناعة أنو هالشخص أشرف السياسيين بلبنان...
حاليا ما بعرف شو سلوكو السياسي من سنتين وبالجاية بحكم بعدي عن المنطقة وعدم متابعتي
الأخبار...
لو كنت مكان عبد الله الدردي شو بتعمل
رفعت السماعة واتصلت بحسام....وعطيتو كرت بلانش...

لو كنت مكان ريمي شو بتعمل ؟
بأي مجال؟؟؟؟؟
السؤال كتير واسع وما فهمت شو قصدت تحديدا...
بشدد القبضة ع الانقلابيين والثوار بأخوية....بزرع أقسامي ألغام وأسلاك شائكة...بزودها بنظام انذار متطور وبضرب بيد من حديد...

لو كنت مكاني شو بتعمل ؟
كمان بشو؟؟؟بأي مجال؟؟
اذا بشكل عام...فبحدد أولوياتي المهنية...وبوقف مشروع ع حساب التاني...وبتخلى عنه...
ما بتقدر تكون مبدع وبروفيشينال لما بأيدك أكتر من بطيخة...برأيي

بسنة 2016
ياسين وين رح يكون ياسين
طبيب أخصائي بأحد مراكز زرع القلب بمدريد وأحد الناشطين السياسيين بالحزب الاشتراكي...متزوج من ست أسبانية مدرّسة بتشتغل بالأمم المتحدة وعندو بنتين وصبي....
الحكيم وين بيكون
مستشار اداري لوحدة من شركات البرمجيات بروسيا بأحدو دول أوروبا الشرقية...فايت بصفقة لتزويد نظام معلوماتي متطور لشركة نفط أيرانية و ع رأس الوفد المفاوض للشركة بطهران...عازب بس عايش مع أحداهن...
انت وين بتكون
أخصائي بالتداخل الشعاعي بأحد مراكز العلاجات الورمية ببروكسل..عايش بأحد ضواحي العاصمة البلجيكية مع أبي وأمي...ومبلش بتشكيل نواة لموسسة مشابهة لمؤسسة كريم رضا سعيد لمساعدة الطلاب السوريين لمتابعة تحصيلهم العلمي برات البلد...

الرئيس نيكولا ساركوزي وين بيكون....
كمان بالاليزيه....مطلق للمرة التانية بعد زواجه من كارلا بروني....

هيفا وهبي وين
غنية كل سنة مرة بدون أي مبيعات...بتطلع بمؤتمرات صحفية لتتهجم ع أنيتا حرب وكارين ( هدول الايز ميز الجدد تبعوت ال 2016...وببتهمهو بانهن مصطنعات وكل وحدة منهن عاملة 7 عمليات تجميل
شفط ونفخ ورفع....وأنو اصواتهم كنعيق الغربان وبتترحم ع أيام الفن الجميل....)

من بيكون رئيس لبنان
ابن اختو لشيمون بيريز....بيكون رئيس مؤتمر الشرق الاوسط التاسع لتأسيس نظام فيدرالي متوازن بين الطوائف اللبنانية....وليد جنبلاط بصفة مراقب...وسوريا أحد اطراف المؤتمر....

كم عدد الدويلات بالعراق
تلت دويلات...كردستان...شيعستان وسنيستان....

اسامة بن لادن وين بيكون
أسامة بن لادن...متوفي من أربع سنوات بسبب سرطان المثانة ولكن هالشي مش معلن....أخر الروايات أنو أخر مرة انشاف فيها باجتماع مع الرئيس الفنزويلي تشيفيز....

ابو جوزيف يطعمك تسرق سؤال الحكومة لاني رح غيره

سيدي قال حضرتك عملت انقلاب وقررت تنفي بعض عالم لبرا وين بتنفي هالبشر
"
ريمي ع جبلة...
مر ام ع القاهرة...دار الاوبرا..بدي ياها تتعلم وارجع تألفي أوبريت يمجدني ويحفظ التاريخ...
جيني بيجوز ع موسكو بس ليش....ما بعرف...
ميمو ع الاسكندرية...ع مكتبتها...هرت كل كتب البلد....
يامن ع فيينا...يسمع ويتعلم الموسيقى ع أصول...بس بنرجعه بعد فترة ليستلم فرقة المراسم...
كهربجي ع انكلترا...يسمع Coldplay و Pink Floyd ليطلعو من راسه...ويريح العين الساهرة بحكومتي
بلاك ع بوركينا فاسو...هونيك في سواد كتير...
دوت ع اليونان
ماهر ع ميشيغن حيث المقر الرئيسي لشركة جنرال موتورز...بيلزم بعدين بشي تطبيقة سيارة لمعالينا...
سعيد أصلا هو بألمانيا...خليه مكانو
ياسين ع فنزويلا بيجوز...يروح يعرض خدماته ع تشيفيز....ويريحيني من نقو...
الحكيم ما قدرت مخابراتي تلقطو...كل تلت ايام ببلد...أخر مرة سمعنا أنو بالضاحية الغربية ببيروت وهلق عم يقولو راح ع بيترسبورغ...
دانيتو ع غوانتانامو...تعبني معو....
امراة من ور ق برجعها ع الصين....
سرسورة ع السودان او ساحل العاج..بدها تعملي منظمات غوث ومن هالحكي...مو عندي
زين خليه مكانه...
هاني داغر هاني حينبعت بمهمة سرية ع روسيا...الغطاء الظاهي نفي....الهدف الحقيقي تسيير رحلات سياحية لحسناوات موسكو الى قصرنا المعظم...يتفرجو ع جمال الهندسة المعمارية عنا...
ليلى حرام هي أصلا منفية ببلاد الانكل سام...خليها...
ريتا إلى النجوم لتكن سفيرتنا....
جاد خليه بضيافتي...أنا بغيرلو مخو ع رواق...
حكومة خليه نايم لحسون...بس يفيق بنفكر بموضوعه...
سيريان غي ع نيويورك..خليه يكيف...
ابوطريق ع المشتري...مو ع اساس هو بيحب الفلك؟؟؟؟؟
انا ع اليابان...لتتعلم مسرح وارجع...بدي مسرحيات تتغنى بالبطل حضرتنا...
فوفو بيست سيريا مع ريمي سوا سوا...
بارليب ع السويد...بيرتاح وبيريح...

وكمان راجعلك

وكمان ميرسي الك...