[أسير التشرد]

هلا بكل الحلوين..
بصراحة...وبكل صراحة..انا معصب ومتدايق كتير.. شنو مبارح كتبت اسئلتي وكنت كلي امل انو الاسئلة تطلع..بس وبسبب تنعيت السيرفر طار كل شي...وع اساس كنت عامل احتياطاتي عملت نسخت من اسئلتي..لكن للاسف هالنسخة كمان طارت..لاني اخدت كوبي ونسيت حطو بشي ملف..وبعدين اخدت كوبي لشي تاني قام طار الكوبي الاولاني..لذلك فانني عم احترق داخلياً من هاظا السيرفر...ومن هالمنبر رح اعلن الحرب عليه..
بنرجع لصب البيتون(بمعنى الباطون.. او لصلب الموضوع..اسئلتي..)..

* ..كيفك حسان...؟
ترا انت من ريحة الغوالي..مولانا الشيخ لايص..(الله يرحمو ويقدس سرو ويجعلنا من المنتنورين بنهجه والسائرين ع منواله..وهيك يشرفنا برؤيته المقدسة..)
المهم خدلك كم اوقية اسئلة مني عندي..
1- هجرتك إلى فرنسا هجرة دائمة..بمعنى انك اعلنت فرنسا بلدك النهائي..ووطنك الاخير..؟(ام انك رح ترجع لارض الوطن..بعد هالاغتراب..)..؟
2- بمفهوك للحرية.. لأي قدر ممكن نكون احرار..(بغض النظر ع حرية الطرف التاني والجار..)..؟
3- بصريح العبارة ازا امكن انت بتأيد حاكم جائر مع امن للبلد..ام حاكم عادل من دون امن للبلد..؟
4- بشوية كلمات.. بتعتقد انو لكل علاقة بين الذكر والانثى الها نصيب من الجنس..؟
5- شو الفرق بين جهاز MRI Scan و جهاز CT Scan..؟ وممكن المرا الحامل باول 3 شهور الاولى للحمل انها تعمل تصوير بجهاز MRI Scan..؟ وعلل وجود النواعير بحماة ع نهر العاصي وعدم وجودها ع نهر بردى بدمشق..؟
وسؤال هيك شخصي..رأيك انو منيح اني اتزوج ع الصيف ام انو اجل الموضوع شوي..؟شنو ما فينا نصبر اكتر من هيك يازلمة..

وشكراً لوقتك..


_________________
هامش خاص للسيرفر.. وحياتك هالمرة عامل اكتر من كوبي واكتر من ملف للاسئلة بس منشان ما تغدر فيني..يا انا يا انت..