اقتباس:
كاتب النص الأصلي : gabriel
طب ممكن تفهمينا شو هو المعنى الصحيح للجهاد .
|
بدك تعرف معنى الجهاد.؟
بسيطه كتير كتوب جهاد و شوف شو بيطلعلك.
العمل جاهداً و عازماً لبلوغ هدف محدد والتعبير الكامل هو الجهاد في سبيل الله .. الأوربيون ترجموا الجهاد "بالحرب المقدسة" والجهاد مو حرب مقدسة با طنها الحقد وغايتها الإبادة لكن كما ذكر بالقرآن بأن هدفه نشر الاسلام و الذود عنه.
يعني فيك تقول متل ما صار و مازال بالنسبه للبعثات التبشيريه المسيحيه بالهند و بكل مكان بالعالم.
هذا حق مكتسب للتعبير عن الراي و الفكر و المعتقد و محاوله نشره.
يعني اذا اجاني مسيحي بيوم من الايام و دعاني للنصرانيه رح اسمع منو و حاورو بكل أخلاقيه و تفهم.
الاسلام رفع الذل عن العباد ومنع خضوعهم لغير الله..بحيث يرى الاسلام بان مطلق المهانه لما يعبد صنم أو حيوان او شي خشبه
أو يخضع لبشر حي أو ميت أو يتخذ الأحبار والرهبان أرباب من دون الله بيلعبو بأفكار الناس متل ما بدهن ..و كمان دفع الاموال للرهبان و الاحبار بدون وجه حق
كمان عمل الاسلام على توطيد العدل والمساواه بين الغني و الفقير..الحاكم و المحكوم.. حيث رفع شعار "لا فرق بين عربي و اعجمي إلا بالتقوى و العمل الصالح.. و كمان مافي فرق بين الاسود و الابيض...يعني رفع العنصريه و الطبقيه و ابتذال الانسان بسبب ضعفه و قلّه حيلته.
بدي احكيلك عن الجهاد من اصلو و كيف اجا...لما آيات الجهات لم تكن منزله كان المسلمين غير مسموح لهم بالجهاد بس لما نزلت آيات الجهات بالقرآن صار فيهن يردوا الظلم عن انفسهم بسبب اضطهاد القرشيين لهم..هيك صار الجهاد نشر الاسلام بالاقناع عن طريق تأمين حريه مطلقه للناس بإختيار عقائدهم و عدم الخوف حتى اذا العقيده التي تريد هي غير الاسلام بدليل الآيه القرآنيه "لا اكراه في الدين" يعني الحرب ما بتكون عالشعوب بل على الذين يحاولون التصدي لهذه الدعوه السلميه لله.
الحيث بيطول عن الجهاد.
اما المحاولات يلي عم نشوفها اليوم..فالاسلام براء منها و بدي قللك بأنها هي و جماعاتها من الخطأ اطلاق اسم جماعات اسلاميه متطرفه عليها.
هلأ اليمين الصهيوني الاميركاني و اعماله الجهاديه او النضاليه المقدسه..غيرت رأي المسلمين بالمسيحيين كمجمل..؟؟؟
أكيد لأ المجتمعات فيها شواذ.
و لساتنا متعايشين بحب و خير و سلام
و كل يوم عم نصبح عا بعض بكلمه "مرحبا" يللي بتعني "الله محبه" مار يعني اله او رب حبا يعني حب هيك بظن اذا ما خيبتني ذاكرتي.