[Willi]

كاتب النص الأصلي : maged-syrian

جاد (ويلي) مع انو مافي خلطة منيحة بيني وبينك ومابعرفك منيح بس مو مشكلة اليك الاسئلة
- شو بتعنيلك الولايات المتحدة الامريكية بلد اهلي جابوني عليه
هل بالفعل اميركا هي حلم المهاجر! حسب المهاجر
لو خيروك بين جنسيتين الجنسية السورية ولا الامريكية شو بتختار وليش ! حطيتني بموقف حرج. بختار التنتين.
شو رايك بسياسات امريكا الخارجية! زفت
مين هو الحليف الاساسي لسوريا برايك ! الشعب.
شو رايك بالوضع في سوريا وهل في أمل بالمستقبل! ماني شايفو. بس بتمنى يكون في.
شو رايك بحرية الاديان انت معها ولاضدها ! نعم معها
برأيك أيهما افضل سوريا مسيحية ام سوريا اسلامية ام سوريا علمانية! علمانية
شو رايك بالعلمانية الحل الانسب لهمجية الشعوب
شو رايك بالتدين وربط الدين بامور الحياة اليومية تخلف.
شو رايك بالالحاد ! حرية شخصية
شو رايك بالديمقراطية وابداء حرية الرأي في سوريا مليون بالمية معها.
شو رايك بالحلم الامريكي ! انو منهون؟؟
هل هذا الحلم هو حلم جميع احرار العالم! لاء.
شو رايك بالشيوعية والرأسمالية! ماعندي رأي بخصوصون
ايهما افضل الشيوعية أو الرأسمالية وليش نفس السابق
لو كان معك مبلغ كبير واقترحوا عليك تفتح مشروع شو هو المشروع اللي ببالك !مدرسة, لتعليم الحياة الاجتماعية. يعني بيجو عليها شباب وصبايا. كل منهون بيدخل قاعة بحسب فئتو العمرية. وبتم مناقشة بيناتهون امور اجتماعية بحتة. المدرسة ببلاش كمان.
لو قابلت مواطن سوري بأمريكا وكان هذا المواطن بحاجة الى المساعدة واكتشفت انو هذا المواطن مسلم ملتزم دينياً بتساعده ولابتغض النظر عنه! اي بساعدو
نفس الشي بس لو قابلت مواطن سوري مسيحي ! بتساعده ولابتغض النظر عنو !كمان
كيف بتصنف نفسك ((متدين,عادي,علماني ملحد))! علماني
شو رائيك بالطوائف المسيحية (( كاثوليك,بروتستانت,ارثودوكس )) كلو متل بعضو
شو رائيك بالطوائف الاسلامية (شيعي,سني)كمان
شو هو الحل برائيك بالنسبة لموضوع الاديان! انو العالم تكبر عقلا. غير هيك مافي حل
شو هي تطلعاتك المستقبلية بالنسبة للجمهورية العربية السورية ما فهمت شو قصدك ب "تطلعاتك"
شو رائيك بالفن السوري الهابط ((فريحة العبدلله,,وفيق حبيب,,علي الديك,,الداعور,, علي التلاوي ,الخ)) بشكل عام حلوين. مافيني اتخيل حفلة بدون اغانيهون تبع الدبكة
هل هدول النور بيعطوا صورة حسنة بالنسبة للفن السوري بعيون الغير سوريين! اي. اغانيهون والموسيقى تبعها, بتخلي جسمك لحالو يتحرك معا.
ماهو الفن الراقي بنظرك ومين بيمثل هذا الفن بسوريا! صباح فخري, شادي جميل, وغيرون كتير. الفن ما بشوفو غير راقي انا.
شو بتصنف نفسك ((وطني,قومي,شيوعي,,أممي,,قومي سوري ) ولا وحدة.
شو رائيك بجنس حواء ,, وشو بتمثلك المرأة ,, وهل المرأة لازم تنافس الرجل بجميع المجالات! اذا المرأة بتقدر, فوين المشكلة!! المرأة هية نصف المجتمع. بدونا المجتمع مانو كامل.
شو رائيك بالجنس الثالث . انت مع ولاضد ولابين بين ! يعني لو بيطلع بايدون ما يكونو جنس تالت, برأيي ما كانو طلعو هيك.
شو رائيك بالنسبة للولايات المتحدة وهل امريكا حتضل القوة العظمى بالعالم أم ان تلك القوة تنهار شوي شوي!مافي قوة بتضل هية العظمى دايما. التاريخ اكبر دليل.
ايهما افضل بالنسبة لك كمغترب في امريكا او كمواطن امريكي الاكل الشرقي ((الطبخ - كوسامحشي-كبب-مشاوي- شاورما)) ولا الاكل الغربي ((بيتزا , همبرجر , بروست , تشيزبرغر, هوت دوغ ,دوناتز ) !!
الشرقي.
انت مبسوط باميركا ولاعم تفكر تهاجر لدولة أخرى (متل السويد-فنلندا-كندا)! لاني مبسوط ولا عم فكر هاجر. بس كنت بتمنى لو هاجرت على دولة اوروبية بدال اميركا.
بتنصح الشباب يهاجروا لااميركا ولا مو نصيحة!
مو دايما نصيحة
حاج بيكفي مشان صحتك

......... هلااااااااااااا..........