ما قريت الردود .. و بصراحة مالي خلاق حالياً لاقراها ، يمكن ارجع بعدين وشوفا ، ويمكن لاء ..
اللي صار ، اني دخلت عالموضوع بسبب العنوان ..
انو كتير لفتلي نظري وحسيتو هيك ... تسالي !!
اقتباس:
|
ماهيه ردة فعلك إن أغلق أحدهم الهاتف بوجهك؟؟
|
بدي اشطح شوي بعيد عن الموضوع والاسئلة ..
انــّو شو ردّة فعلي اذا حدا سكــّر الخط بوجهي ..
اول شي خطرلي وقت اللي قريت الجملة انــّو رح ارجع دقــّلو وبمجرّد ما يقول "الو " ، سكّـر بوجهو
..
لكان لكان ، ما حدا احسن من حدا هيهيهي
بعدين تذكرت شغلة ..
انــّو في عنــّا حدا من العيلة ، هيك شخصيتو كأنو كاين بالجيش بزمناتو ، بيتــّصل بيسألك اللي بدو ياه ، وبمجرّد ما خلصت اجابتك بتسمع تووووووووت ... تسكـّـر الخط بوجهك هيهيهي
لاء والاحلى بس تكون بدّك تذكرو بشغلة ، بتصير بسباق مع الزمن لحتى تدمج الطلب بعد الاجابة مباشرة وبدون ما تاخد نــَـفــَـس مشان يلحّق يسمعك وهو عم يبعّد التلفون عن ادنو ورح يسكّر الخط ..
...
اي وهكذا والله ..
صعب نلجأ للفكرة الاولى مع هالشخص ...
فـ بظنّ انــّو بعد فترة بتتعوّد ع هيك فعل ...
ويمكن كمان تصير تتفاجئ لو شي مرّة ما سكــّر دغري وقلك قبلها "بدك شي؟ " .. وانت بتاخدك الصدمة وبتوقـّف لحظة صمت لتستوعب شو عم يصير ... وبعدين بتسمع تووووت .. لانو اكيد ما رح يستناك كل العمر وانت صافن !
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...