اقتباس:
كاتب النص الأصلي : عمرو الحسيني
يعني من كل كلام جنبلاط ما بلاقي شي عليه القيمة غير مقولة وحدة وهي
(( هم غزوا ونحن غزونا والأبرياء يدفعون الثمن ))
هادا الزلمة كان موالي لسورية وإلو تصريحات بيمجد فيها مواقف سورية وإيران ويدافع عن حزب الله لما كان بالحلف الرباعي مع أمل وحزب الله والحريري قبل استشهاد رفيق الحريري
وهلأ تغيرت المصلحة صار ضد سورية وكانو جماعتو والناس يلي معو مالهون وجود كلمة بتاخدهون وكلمة بتجيبهون
والواقع كل الأطراف الموجودة بلبنان بدون استثناء ايديهون ملطخة بدم بعضهون وكلهون عندون تارات مع بعضون بس خليهون يفلتو على بعضون متل الكلاب المسعورة بترجع الحرب الأهلية أقوى مما كانت
وتذكروا حكيي بكره لتخرب لبنان
|
المشكلة بلبنان انو النظام الاسدي طبق نفس السياسة المتبعة في سوريا هنيك يعني وين في سياسي لبناني مجرم حرامي ما عندو ضمير تعاملوا معو وعطوا منصب
لك ما عدا ميشيل عون في شي سياسي من اللي شايفينن بلبنان واللي كانوا كلن عملاء للمخابرات الاسدية شريف؟ مافي وهدول اللي شايفينن من الحريري لجنبلاط ل فتفت كلن صنائع غازي كنعان يعني حتى جزار صبرا وشاتيلا ايلي حبيقة ما خجل النظام الاسدي مشان مصالحو يتعامل معو ويعطي مناصب