[krimbow]

ملاحظات شخصية على الكتاب :

1 - ما حكا السبب الحقيقي للمشكلة ( ما حط رفعت باللجنة الخماسية يللي حكمت البلد وأت مرض الرئيس)

2 - إعلان جاهزية الجيش (يللي المفروض انو ما يتدخل بالشؤون السياسية ) مشان خناقة بين اخ و اخوه

3 - اعتبر كاتب الكتاب انو الوطنية بتنحصر بالولاء للرئيس دوناً عن اي اعتبار تاني و اي اخلال او عدم ولاء هوي خيانة عظمى

4 - معظم اسماء القياديين العسكريين يللي انذكروا هنين اليوم اثرى اثرياء سوريا (اذا مو الشرق الاوسط كلو)

5 - إحضار قطع عسكرية و الوية من لبنان مشان يحلوا الازمة بالوأت يللي كانت اسرائيل بنص لبنان (و هو ما يعتبر خيانة عظمى عند غير دول)

6 - حل امور اشكالية متل (نقل الضباط ) باسلوب قبضايات الحارات القديمة (يعني انو دق ع صدرو انو ما بيصير شي اذا نقلهم )

7 - ضابط بالجيش متمرد ع السلطة و ضلوا 4 شهور يسايروه رغم انو كان عندهم معلومات اكيدة عن انو رح يسبيح العاصمة و مع ذلك ضلوا يسايروه لمجرد كونو شقيق الرئيس .... يا سلام

8 - كاتب الكتاب يعتبر من اكثر الشخصيات السورية مجوناً و مع ذلك اجت المساعدة و النجدة من السما (من عند محمد صلعم ) شي بيرفع الراس يعني فوق انو البيض شغال ع ابو موزة كمان عم يستهبل القارئ

9 - التأكيد على ترسيخ الطائفية بسوريا ... (شغلة المرشدين )

10 - اميركا بنظر الكاتب كانت ما عم تعرف شو عم يصير بنوب و ارسلت "امين جميل " 3 مرات ... مو لأنو الحرب رجعت تشتغل بلبنان عن اول و جديد

11 - مخالفة كل الاعراف السياسية يللي بتقول انو الكتايب ربيبة فرنسا و عملها (لمصلحة الكتاب ) ربيبة اميركا ... يا سلام

12 - منجي ع شغلة " جمعية خريجي الدراسات العليا " ... حسب ما هوي معروف (إلا من قبل الكاتب ) هي الجمعية كان اجباري على كل سوري خريج دراسات عليا انو ينتسب الها (متلها متل نقابة المهندسين متل الحزب متل ... بهداك الوأت) بس هوي (بسبب التعصب الطائفي يللي عندو عمل الانتساب الها توجيه من قبل الفاتيكان و اميركا ... اتهامات بدون دلائل و تكذيب للتاريخ عينك كنت عينك

بحب خبرو هون لكاتب الكتاب انو بهداك الوأت كان المسيحيين يتفوقون بالدراسات العليا اكتر من النسبة يلل شفتها
و لليوم المسيحيين (رغم انو ما بيشكلوا اكتر من 10 % من نسبة السكان ) فهنين بيشكلوا اكتر من 50 % من خريجي الدراسات العليا
شئت ام ابيت

13 - توزيع المناصب و الاوسمة و الاموال العامة ع اساس الولاء مو ع اساس الكفاءة .... و بدكم البلد تمشي لقدام؟؟؟

14 - الجولات الميدانية تبع كل وزراء الدفاع بالعالم بتكون لتعبئة الجيش معنوياً إلا عنا الجولات كانت ليلم الضباط حوالين الرئيس

15 - دبابات عم تتحرك نحو دمشق و الرئيس كل يللي عملو انو اخد امو و راح يشوف اخوه (زيارة عائلية) ايه كيف لهلأ اسرائيل ما احتلت الشام ما بعرف

16 - لحتى تنحل الازمة اضطريت سوريا انو تدين من الخارج لحتى تعطي اخو الرئيس مشان يتبردح على كيفو ... من لسياسة

17 - ترحيل 80 % من ضباط الجيش السوري على متن طيارة وحدة لحماية قذر واحد متل رفعت ... يعني لو خبرت اسرائيل و قصفت الطيارة كنا صفينا بلا ضباط (يمكن كان احسن )

18 - وزير دفاع سابق تهجم ع كل دول الخليج العربي عينك كنت عينك

19 - احسن قرار تم اتخاذو لهلأ هوي انو سحبوا هيك كتاب من السوق (بلا نشر هيك فضايخ )

20 - فعلاً ..... التاريخ يكتب على ايدي المنتصرين

مسخرة