سرسووورة قلبي اشتقتلك كوشاااات كوشااااااااااااات
يلا استلمي هالكم سؤال وبجوز برجع
حبك انا
انا كمان اشتقتلك رترووووت.....
عمرك؟
25 و ع بواب ال 26
مهنتك؟
طبيبة...سنة اولى داخلية عامة
حالتك الاجتماعية؟
عازبة
بتدخن؟
لا
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
اي
ازا اي من ايمت
ما بتذكر
واديش؟
بالمناسبات و الجمعات مع الاصحاب و هيك...
وشو اكتر نوع بتحبه
بحب النبيذ الاحمر المز
انت ليش هيك؟؟؟
لانو هيك
شو اكتر غنية بتحبا؟؟ وليش؟؟؟
مافي غنية محددة ...بس في غنية لماجدة الرومي(بالقلب خليني) بتعيشني لحظات ما بنساها..
مين مطربك المفضل؟؟
فيروز و ماجدة الرومي...
.شو المواضيع اللي تقراها بالمنتدى
المواضيع اللي بتشدني بشكل عام...مواضيع المنبر بشكل خاص...
شو الصفات اللي بتكرهها بالانسان
البخل اكتر صفة بكرها بالشخص و الحقد والتحامل عالناس...
والصفات اللي بتحبها
التسامح والحنية
شو حكمتك بالحياة
مافي حكمة محددة...لكل موقف حكمتو...
شو هيي صفات امراة احلامك
قصدك رجل احلامي.... يكون يفهمني ويدعمني بالوقت اللي كون محتاجتو فيه...يقدر يستوعبني بلحظات ضعفي و يشعرني بالامان وانا معو...وما يتخلى عني كرمال انانية شخصية...
اذا ربحت مليون دولار, شو بتعمل فيها؟؟
بعطيها لاهلي....هني بيعملو فيها اللي بدون ياه....
انت سعيد بحياتك وليش
اي انا سعيدة...لانو االله عاطيني اكتر ما بستحق...
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟(
اول شي قبل ما جاوب لازم اعطيك قاعدة كتابة التاء المبسوطة والمربوطة
) الفشل هوي حافز كبير للتقدم للامام من جديد....بعترف اني لو ما فشلت ببعض الاوقات ما كنت قدرت كمل....بوقت من الاوقات الفشل خلق فيي طاقة ايجابية كتير كبيرة...النجاج ماقدر يولدها فيني بوقتا....
وشو هي اكتر مادة بتكرها و كمان ليش؟
بكره النسج ....بكرها كتير ككتير....ضليت حاملتا مدري كام فصل و تقاتلت مع الدكتور اللي بيعطينا ياها....و ما نجحني فيها للسنة الخامسة علما انو هي مادة سنة تانية...و لبعد ماعدت فحص العملي لحتى نجحت...
هل بتامن بالابراج ؟ و علل جوابك
لاء ما بامن...مع انو اذا كانت طالعة الابراج بالراديو بسكت الكل و بعلي الصوت
هل بتامن بالقدر؟ علل جوابك
بامن بالقدر و بخاف منو كتير.....المجهول دايما بيخوفني...بخاف من الشي اللي بس يصير يكون مافي امكانية لتغييرو...او بالاصح ما يكون بالايد اي حيلة لتغييرو....
هل بتامن بالسحر و المشعوذين؟ علل جوابك
لا لا....مابامن فيون......اساسا هي الظاهرة كتير بتنرفزني...و بيضايقني اكتر تاثيرها بالناس ببلدنا.....تأثيرها اللي عم يزيد يوم بعد يوم...
عرفلي البيروقراطية والديكتاتورية
ياربي دخيلك على هالسؤال اخر الليل....البيروقراطية مارح عرفا بس بتقدري تشوفيا بس تفوتي ع اي مكتب حكومي او دائرة حكومية ببلدنا....البيروقراطية غير قابلة لانها تلتغي تماما...بس ممكن تكون قابلة للتعديل بشكل تكون فيه اقل اضرارا على المجتمع و المواطن...
الديكتاتورية ....بالنسبة لالي...(متل ماقلت فوق) لما بتتطبق عالكل بتكون نوع من العدالة....
شو اكتر شي بيعصبك؟
الاستفزاز...بكره الاستفزاز.....و الاشخاص اللي بيحاولو يستفزوني...
شو اكتر شي بيفرحك؟
اكتر شي بيفرحني لما بيكون عندي عطلةطويلة و انزل ع حمص...
شو رايك بقضية الشرق الاوسط؟
احلى الشي....
شلون تعرفت على أخوية ..؟
عن طريق واحد من رفقاتي.. و احلى الشي انو هوي عرفني عليا و ما سجل فيها...
شو هدفك بالحياة ...؟
حاليا عندي اهداف كتير....اول شي و اكتر شي مركزة عليه حاليا اني اقدر امن اختصاص يناسبني برات سوريا...
مين أكتر أعضاء بتقارلون بالأخوية ..
شو يعني (تقارلون)؟
كم اخ و اخت عندك؟
عندي اخ واخت و التنين اصغر مني
مين من اخواتك هوي المفضل عندك وليش؟
يقبرو قلبي هني الجوز
شو هوي فيلمك المفضل وليش؟
انا ما كتير بحب السينما بس اذا تفرجت بفضل الافلام الرومانس
بحب فيلم sweet november ...بتذكر قديش اثر فيني لما خضرتو...
مين ممثلك المفضل وليش؟
جورج كلوني و بسام كوسا
شو اكتر شي بتحبو بالحياة وليش؟
بحب النوووووووم.....لاني بحلم كتير...كل ما نام بحلم....و بالاحلام عم اقدر احيانا حقق اشياء ماعم اقدر حققا بالحقيقة...
شو امنيتك بالحياة؟
امنيتي اني اقدر اوصل لاهدافي باقل خسائر ممكنة....وانو اقدر رد شوي من جمايل اهلي علي ...
شو ناوي تدرس؟
لسا بدي ادرس؟؟؟ خلص درست و خلصت.....
شو أكتر معادلة كيمياء حفظتها بحياتك؟
caco3->cao+co2
شو أحلى قصيدة مرقت معك؟
ترصيع بالذهب على سيف دمشقي لنزار قباني...
شو درس العلوم المفضل يلي حفظتو؟
كل دروس العلوم كانو مفضلين....ما بتذكر درس محدد
شو حدود سوريا الجغرافية؟
سوريا مالاحدود بالنسبة لالي....سوريا بقلبي مالا حدود....
شو طبيعة لبسك : سبور -فنكي -رسمي ؟
حسب المناسبة و الوضع...بس عالاغلب سبور
شو اكتر موقف محرج صار معك؟
موقف صار معي من كام يوم...بس مافيني احكيه
بتعتبر حالك ن الناس ياللي بيحكو كتير؟
لاء....
شو اكتر اسم بتحب للشب وللبنت؟
بحب اسم حنبن للبنت...و للشب ما بتفرق...
مين قضوتك بالحياة ؟
بصراحة ماعندي قدوة....كل شخص ناجح بحياتو الاجتماعية و العملية بتمنى اني كون متلو....
شو رأيك بالطفولة و الولاد ؟
مافي حدا ما بيحب الطفولة و الاولاد و بالنسبة الي..انا متعلقة بطفولتي كتير...و سارة الطفلة بعدها موجودة بداخلي...
مين أعز شخص على قلبك و ليش ؟
امي ....لانها منورتلي حياتي....
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
مابقدر اتخيل حالي بهالموقف..اعذريني
شو أحلا أيام حياتك؟
احلى ايام حياتي لسا ما اجا....اجمل ايام حياتنا هي التي لم نعشها بعد...
شو الحياه بالنسبه إليك؟
الحياة بالنسبة الي مجموعة من الخيارات اللي بتنحط قدامنا كل فترة...او بكل مرحلة...مع شوية حظوظ مرافقة....احيانا بتكون حياتنا مبنية على خيار خاطئ ترافق مع حظ جيد حسن من انذار الخيار الخاطئ و احيانا بالعكس....
شو بنظرك بياثر اكتر دموع الفرح أم بسمة الفرح؟
الدموع...بغض النظر دموع فرح او دموع حزن...
شوالشي الذي تتمنى أن يرجع؟
بتمنى يرجع الوقت لورا كام سنة لحتى اقدر اتفادى اخطائي
موقف صار لك ولا تقدر تنساه؟
مافي شي عم يخطر ع بالي حاليا....
شو أفضل لديك بمراحل النمو هل هو الطفوله ام المراهقه ام الشباب أم الشيب؟
كل مرحلة الها خصوصيتا...بس مع هيك بحس انو مرحلة الشباب هي المرحلة الاكثر عطاء و انتاج و طاقة....
زيت المقلاية عم يحرقك شي؟
اي يعدمني ياكي
ازا اضطريت انو تختار بين تتين من رفقاتك شو بتعمل
بحاول اتجنب هاد الموقف قدر الامكان.....و بتخيل اني بقدر بدون ما اضطر اتخلى عن واحد منون...
الاجوبة لازم تكون مختصرة بمالايقل عن ست اسطر
وبالتوفيق
